«ولعوا فيه بالمولوتوف».. تفاصيل واقعة قتل مصطفى سراج حرقاً

 كتب صديق الطالب مصطفى سراج منشور له عبر الفيس بوك يكشف من خلاله تفاصيل تعرض صديقه للحرق بالمولوتوف على يد جيرانه، وقال محمد منير صديق المجنى عليه فى منشور له: «صاحبي اسمه مصطفى سراج مات مقتول.. مصطفى شغال في مطعم ما في دمياط الجديدة ورديتين وبيرجع على السكن بتاع الشغل ينام وكان له جيران، الناس دي عاملة شغب في العمارة ومعروف إن هم مش مظبوطين، مصطفى اتكلم مع الناس وقال لهم بلاش إزعاج علشان إحنا بنرجع من الشغل تعبانين ننام ونصحى الصبح على الشغل، الناس معجبهاش الكلام.. فجر الخميس واحد منهم اتهجم على مصطفى ورمى في الشقة بنزين ورمى مولوتوف على مصطفى وولع فيه».

 وأضاف : "أهل مصطفى رفعوا قضية والناس بتحاول تتبلى على صاحبي بقضية قصادها علشان حقه يضيع.. مصطفى يشهد الناس على طيبته وطهارته وشخص عارف ربنا وعمره ما يفكر يإذي نملة أرجوكم شيروا البوست ده علشان حق صاحبي ميروحش".

وتجرى النيابة العامة بدمياط، التحقيق في وفاة طالب جامعى أثر إصابته بجروح شديدة بعد قيام جاره بسكب البنزين عليه وإشعال النار فيه.

وتم نقل المجنى عليه على الفور إلى المستشفي في محاوله لإنقاذه  لكنه لفظ انفاسه الأخيرة ، وتم تحرير محضر بالواقعة وتولت النيابة التحقيق.