مجدي عبد الغني يروي تفاصيل "خناقة الاستاد"
كشف مجدي عبد الغني؛ نجم المنتخب
الوطني السابق؛ تفاصيل اشتباكه مع حراس الأمن داخل ستاد القاهرة الدولي بعد أن
رفضوا دخوله بسيارته.
وقال عبد الغني في مداخلة هاتفية مع
برنامج "على مسؤوليتي" المذاع على قناة "صدى البلد": "أنا
كان معايا تصريح عربية ودعوة من اتحاد كرة القدم وأنا عمري ما رحت استاد القاهرة
ومدخلتش بعربيتي والموظفين عارفني والناس عارفني".
وأضاف: "أنا سافرت ألمانيا من سنة
وعمل عملية في المفصل ودخلت بالعربية لحد البوابة أنهم مش عايزين يدخلوني والفيديو
حصلة اجتزاء؛ أنا نزلت من العربية قولته يا أبني تعبنا ولو كان في كلوب كار كنت
ركنت عربيتي ودخلت".
وتابع: "الفرد بتاع الأمن تابع لشركة
تذكرتي؛ وأنا نزلت من العربية بخاطب الناس وكأنك بتكلم في صحرا ياجماعة أندهوا
مسؤول وميصحش اللي بيحصل وأنا بدخل استادات العالم كلها باحترام وتقدير أنا وسعت
الحاجز ودخلت إلى أن اتفتح الحاجز لكل العربيات".
وواصل: "كل العربيات داخلت وأنا
مشتمتش ومكانش في إهانات أو سباب وأنا أكن كل احترام وتقدير لكل الناس ولم يكن
هناك أي ألفاظ أو أي حاجة وكل اللي قلته أنتوا مش جايبنا عشان تهزقونا يا جماعة لو
مكانش في دعوة ما كنت قعدت في البيت واتفرجت".
وأكمل: "اللقطة اللي فيها الشاب
دي كانت ثانية ولكن كان في ساعة قبل الفيديو اللي أتصور؛ اللقطة دي 3 ثواني ومن
قبلها ساعة وشوية كمان كلام ولو سمحتوا هاتوا المسؤول ومفيش".
واختتم: "أنا لم أتعدي على الشاب
أو أقترب منه أنا قلت لحد كان واقف جوه دخلني على جنب وبعدين نتفاهم ونشوف عشان
نفتح الباب؛ هو احنا كل ما نكبر يزيد تقديرنا والا نتبهدل".
