أحمد موسى: حكم مباراة السنغال ظلمنا.. وفرصتنا أكبر في العودة
علق الإعلامي أحمد موسى؛ على فوز
المنتخب الوطني بمواجهة نطيره السنغالي بهدف نظيف في المباراة التي أقيمت بين
الفريقين ضمن تصفيات كأس العالم.
وقال موسى خلال برنامج "على
مسؤوليتي" المذاع على قناة "صدى البلد": "الفارق ما بينا وبين
الأخرين؛ السنغال اتغلبت امبارح وربنا مش عايز يزعلنا والجمهور العظيم والتنظيم
الهايل جدا وكل حاجة مبهرة أمبارح".
وأضاف: "نجومنا أمبارح هل فيهم
واحد قصر أو ملعبش أمبارح لا؛ الهدف داخل المباراة عشان أفوز في هذه المباراة ولو
السنغال سجلت هدف مكانش هيبقي عندي أمل؛ كسبت واحد صفر وهروح هناك هيبقي عندي
الفرصة أكتر من السنغال".
وتابع: "انت تستطيع أنك تستغل
فرصة واحدة وتسجل؛ هو مضغوط وأنت رايح مش مضغوط أنت بتسجل هدف في أول 5 دقائق؛
تعمل اية بعد كدة؟ تفتح الملعب قدام الأطوال الموجودة؟ في الأخر قدرت تجري وتلعب
وتحافظ على فوزك لأخر ثانية في المباراة".
وأكمل: "كنا بنبحث عن الفوز وكنا
قريبن من الهدف الثاني والحكم مكانش منصف معانا؛ كان لازم يطرد رقم 6 في السنغال؛
حط أيده في جيبه وبعدين قالوله خلي بالك دا واخد انذار وتراجع وكان لينا ضربة جزاء؛
جات من دماغه لأيده أنا مالي؟".
واختتم: "اتعرضت لظلم امبارح منتخب
مصر ومنتخب السنغال حريفة وكلهم لاعيبة وعارفين نفسهم أيه وعارفين أماكنهم فين
ومانيه بيرقص ويشوط وربنا كرمنا في أكتر من كورة".
