ميدو عن أداء المنتخب أمام السنغال: "ملعبناش كورة بتلاتة جنيه"
انتقد أحمد حسام ميدو؛ نجم المنتخب الوطني
السابق؛ أداء الفريق الوطني أمام نظيره السنغالي في المباراة التي أقيمت بين
المنتخبين في إطار تصفيات كأس العام.
وقال ميدو خلال برنامج "الريمونتادا" المذاع على قناة "المحور": "مبروك لمنتخبنا الفوز أمام
السنغال واحد صفر وهو مكسب مهم فوز مهم ولكن ملعبناش كورة؛ قدام 60-70 ألف سجلنا
هدف مبكر وكان مفروض نسيطر على الماتش ونلعب الكورة بتاعتنا".
وأضاف: "احنا ملعبناش كورة ومنقلناش
الكورة نقلتين تلاتة على بعض تشفع لينا نروح كأس العالم؛ النهاردة ملعبناش كورة
بتلاتة جنيه؛ المكسب مقلق وأنا عمري ما شفت منتخب مصر في ملعبه مش عارف ينقل كورة".
وتابع: "أة كسبنا واحد صفر؛ ومكسب حلو
نبني عليه ولو لعبنا كده هناك هنتغلب جامد؛ أنت بتلعب قدام 60-70 ألف وانت سجلت من
أول 5 دقايق ومفيش لاعب لعب بهوية منتخب مصر".
وأكمل: "بننقل الكورة نقلة والتانية
تتقطع؛ ببساطة وانت كسبان تحتفظ بالكورة أحنا ملعبناش كورة خالص ومش عارف هنلعب
ازاي هناك؛ الكلام اللي بقوله يزعل ولكن احنا ملعبناش كورة خالص".
واختتم: "فرقة السنغال قولنا إن هما
أجمد مننا ومستوى فني أحسن ولكن النهاردة فين؟ انت بتلعب على ملعبك عموما احنا
عندنا أمل كبير أن النتيجة بتاعة النهاردة تدينا ثقة أننا نقدر نروح هناك ونعمل
نتيجة إيجابية".
