إبراهيم عيسى: أمريكا تتاجر بقضية حقوق الإنسان

أكد الإعلامي إبراهيم عيسى؛ أن الولايات المتحدة الأمريكية تتاجر بقضية حقوق الإنسان لافتا أنها انتهكت حقوق الانسان وتحالفت مع من ينتهكها.

وقال عيسى خلال برنامج "حديث القاهرة" المذاع على قناة "القاهرة والناس": "هي قصة غريبة لما عايز الحكومات العربية تخفضلك سعر البترول من خلال زيادة انتاجه؛ بعد ما رحت لفنزويلا ورفضوا؛ اعلامك ييهاجم محمد بن سلمان وفي نفس الوقت بتعظم الاخوان المسلمين وبتلتزم بنظرتهم للمنطقة سواء لمصر أو السعودية أو الإمارات".

وأضاف: "في إيه؟ متقوليش أنه عشان حقوق الانسان؛ احنا مش هنلعب على بعض؛ كل حقوق الانسان تم انتهاكها والعرب حلفاء لأمريكا وأمريكا انتهكت كل الحقوق العربية وهما حلفاء مع بعض وغزوات وضرب ومتقوليش حقوق الانسان".

وتابع: "طول عمرك بتعمل انقلابات على الحكومات الديموقراطيين في أمريكا اللاتينية؛ أمريكا بتاجر في حقوق الانسان ونتاجر معاها سوا لكن ساعة الواقع؟".

وواصل: "إيران بقي بتلتزم بحقوق الانسان اللي رايح تتفاوض معاها وتديها الامتيازات دي وبترجعها للساحة الدولية بتحترم حقوق الانسان؟ إيران مش بتاعة حقوق الانسان متعملهمش علينا".

وأكمل: "إسرائيل دولة ديمقراطية من وجهة نظرك ماشي وفيها انتخابات وتداول سلطة؟ أيوة لكن فيها انتهاكات لحقوق الانسان الفلسطيني وجرائم حرب".

واختتم: "في الحالة دي لقي العرب نفسهم؛ هي كانت عملتلي ايه أمريكا؟ ولأول مرة في التاريخ العربي رئيس أمريكا بيطلب حاكم عربي فيقوله قولوله مش موجود أصل أنا ساعة ما بحتاجك مبلاقيش وبتستنزفني وبتضغط عليا ومش بتديني حاجة وفلوسي مرمية عندك في أرصدة لو سحبتها هوقعك والبترول عندي لو قفلت الحنفية شوية هتتقيأ دما".