عمرو أديب يطالب الحكومة بمنح حزم تحفيزية للقطاع الخاص
أكد الإعلامي عمرو أديب؛ أن القرارات
الاقتصادية التي اتخذها البنك المركزي المصري لمواجهة الأزمة الاقتصادية تستهدف
مواجهة التضخم والتصدي للأزمة الحالية.
وقال أديب خلال برنامج "الحكاية"
المذاع على قناة "أم بي سي مصر": "أنا مش هقولك أن القرارات دي
أحسن حاجة لكن هي شر لابد منه".
وأضاف: "لما الحرب تخلص والأزمة تنتهي
هتنزل الأشياء؟ عارفين مين هينزلها؟ أحنا؛ لازم أقول أنا مش عايز دي وفلان بيبيع أرخص
منك المسألة صعبة بالقدر الكافي والناس كلها من حقها أنها تنزل تلاقي سلع في السوق".
وأضاف: "اللي معاه دولار قاعد مستني
يقولك هو بقي بكام؟ مستني اللحظة الفارقة أنه ينزل يحول الدولار لجنيه أول ما
العملة تكسر تحت الـ 18 هتبتدي الناس تبيع والسعر ينزل".
وتابع: "انا شفت الحزم اللي معمولة
الاجتماعية والبورصة واللي اتعمل مع العيش امبارح ارجوكم لا تنسوا المشغل الأول في
مصر اسمه القطاع الخاص".
وأكمل: "الملايين الأكتر بيشتغلوا مع
القطاع الخاص والقطاع الخاص دة انت مش هتعمله أي حزمة؟ الراجل اللي عنده شركة أو
مطعم أنت الناس دي هتعملها ايه؟".
واختتم: "لما الراجل دة تحصله مشكلة أول
حاجة بيعملها أنه يقلل العمالة ويبتدي الدخل يقل أنت لازم تعمل حزمة للقطاع الخاص
الراجل دة اللي مشغل الناس لو ادايق أو حس بخنقة هيقلل في حاجات معينة أولها الناس
تقعد في البيت".
