أحمد موسى يطالب بتحديد أسعار عدد من السلع
طالب الإعلامي أحمد موسى؛ الدولة بتحديد سعر
عدد من السلع الغذائية في ظل الأزمة الحالية أسوة بما حدث مع الخبز السياحي الذي
يستخدم الدقيق الحر.
وقال موسى خلال برنامج "على
مسؤوليتي" المذاع على قناة "صدى البلد": "ليا طلب إذا أنا
عندي مقدرة أتدخل في ظرف استثنائي وفيه شكوى من الناس وهناك تضخم هائل ايه اللي
مطلوب؟ وأتمنى بكرة في اجتماع مجلس الوزراء؛ قلت الرغيف بجنيه".
وأضاف: "أنا عايز كمان أحدد سعر أزازه
الزيت لمدة 3 شهور وكيلو السكر واللحمة والفراخ أحدد سعرهم لمدة 3 شهور هو دة
استهلاك المواطن وطالما عندنا أزمة والعالم كله بيتكلم على الأزمة".
وتابع: "رئيس الجمهورية كلف الحكومة
تعمل القرارات اللي تمت النهاردة ومرتباتك كموظف هتزيد ومعاشات هتزيد وتكافل وكرامة
هتزيد وبضيف 450 ألف إلى تكافل وكرامة والمعاشات والمرتبات تزيد من أول أبريل اللي
جاي".
وواصل: "النهاردة أقد أحدد احتياجاتنا
في البيوت وأنا بقول نحدد سعرها لمدة 3 أشهر وأنا كدولة النهاردة معني للمواطن اللي
كان عنده 100 ألف جنيه انخفضت إلى 85".
واختتم: "بقول لازم تدخل بغض النظر عن
الناس اللي هتقولك اقتصادك أيه؟ أنت قدرت تحدد سعر واضح للعيش ما السكر زيه والرز
زيه والشكاوى الأساسية من الحاجات دي".
