بعد استجابة الرئيس لها.. القصة الكاملة للسيدة «محروسة»

تصدرت قصة السيدة محروسة منصات السوشيال ميديا وهى السيدة التى إستجاب لها الرئيس عبد الفتاح السيسي على الهواء، بدأت القصة عندما دخلت السيدة محروسة فى مداخلة هاتفية فى أحد البرامج التلفزيونية حيث أنها تتحدى الاعاقة وتعول أبناؤها وزوجها المريض بالقيادة على التروسيكل.

قالت السيدة محروسة عن حياتها: «انا راضية باللى ربنا قسمهولى، أنا عندى ولد أكبر منى بـ17 سنة اللى هو زوجى مشاكله الصحية صعبة شوية، وبضحك على أى أم مش متحملة شقاوة ابنها وبقولها تعالى شوف الابن الكبير ده عنده زهايمر وضغط وسكر وجلطة في المخ وشيخوخة مبكرة».

واستكملت السيدة محروسة : «قعدنا 3 سنين هو اللى بيصرف على البيت وأخدنى وانا معاقة وبدأت الإصابات تأتيه تباعا مما جعلنى أضطر للنزول إلى العمل، ومهما كان التعب كفاية انى بقدر أؤدى رسالتى، شغلى متعب وفيه إرهاق لكن ببقى سعيدة انى أخلى أولادى ما يطلبوش حاجة من حد بعلمهم عزة النفس وعلاج زوجى مكلف جدا».

فى أول رد عليها قال الرئيس عبد الفتاح السيسي خلال مداخلة هاتفية له: «اسمحيلى إن أنا أقف جنبك وأقولك والله الست المصرية دايما مثل عال وراق وأنا بتشرف إنى بكلمك دلوقتى والله».