عمرو أديب عن إجراءات الحكومة الاقتصادية: مظنش سعر الجنية أمام الدولار يفضل ثابت
أكد الإعلامي عمرو أديب؛ أن الفترة المقبلة
قد تشهد قيام الدولة المصرية باتخاذ إجراءات وقرارات اقتصادية صعبة لافتا أن كافة
البنوك المركزية في العالم تقوم حاليا برفع الفائدة.
وقال أديب خلال برنامج "الحكاية"
المذاع على قناة "أم بي سي مصر": "الدولة المصرية قد تضطر إلى
اتخاذ إجراءات وقرارات اقتصادية صعبة؛ البنوك المركزية بترفع الفايدة ليه؟ عشان
تخلي الفلوس عزيزة".
وأضاف: "سؤال واضح هو الجنيه المصري
قوته وسعره هي هي زي من أربع أسابيع؟ لو معاك 10 ألاف جنيه ومن تلات أسابيع دلوقت
قيمتهم 9-8".
وتابع: "أنا مظنش أن سعر الجنيه أمام
الدولار يفضل ثابت؛ طبيعي الجنيه قدام الدولار ممكن يتحرك؛ وعلى فكرة بلاقي ناس
طالعة تشتكي احنا طالبين دولارات والاعتمادات محدش عارف حاجة ولا اللي عملين الحرب
نفسهم احنا مخلقناش الحرب ولا خلقنا الوباء وأنت دولة بتصارع أنت طلباتك شعب
وحكومة أكتر كتير من دخلك".
وأكمل: "هل انتوا متوقعين الأيام الجاية
دي تبقى الدنيا عسل؟ لا طبعا محمد العريان الاقتصادي العالمي بينتقد المركزي
الأمريكي بيقول انتوا اتأخرتوا أوي احنا اتبهدلنا".
وواصل: "أنا عايز الناس كلها تعرف أن
العالم في أزمة والأزمة دي تنعكس عليك ولما تنعكس عليك لازم تعرف إيه الحكاية وإيه
الموضوع هل لما الأسعار زادت كانت سر؟ أظن دي الخبر الوحيد اللي محدش يقدر يمنعه
أظن كنت عارف ومكانتش سر أنما في الغلاء في العالم العالم كله عارف أن هناك غلاء
ويجب مواجهته".
واختتم: "الدواء البدري المر أحسن من
التمن الاقتصادي الغالي البعيد والدولة يجب أن تضع الفئات غير القادرة في قبة
حديدية".
