أحمد موسى يوضح "الخديعة الكبرى" التي كشفتها الحرب الروسية الأوكرانية

أكد الإعلامي أحمد موسى؛ أن العالم يقع تحت سيطرة وسائل الإعلام لافتا أنه لا يمكن لأحد معرفة حقيقة ما يحدث على الأرض خلال الحرب الروسية الأوكرانية.

وقال موسى خلال برنامج "على مسؤوليتي" المذاع على قناة "صدى البلد": "الخديعة الكبرى؛ خديعة على مدار 22 يوم محدش عارف مين بيعمل إيه ودا الإعلام اللي الغرب بيقولك الحياد وحرية الرأي والرأي الاخر وحقوق الإنسان مشفناش غير حقيقة وأكاذيب".

وأضاف: "دائما أفتكروا أنهم بيدوا دروس للعالم وأنهم الأفضل واتضح أن كل دي أكاذيب وأن أحنا في كذبة كبرى من كل الدول الغربية والنهاردة متلاقيش صوت إلا الصوت الغربي والأمريكي".

وتابع: "العالم مش قادر تاخد معلومة من روسيا والغرب؛ الإعلام اللي مسيطر عليه الغرب بيقولوا إن أوكرانيا منتصرة والناحية التانية الروس بيقولوا دمرنا وحاربنا وبنسمع روايتين مافي واحد في العالم يستطيع أن يوريك الحقيقة؛ الموضوع هو الإعلام ومواقع التواصل الاجتماعي".

وواصل: "الرئيس كان بيتكلم كتير جدا عن الإعلام ولسنوات طويلة في ناس خدعت وتدمير دول تحت مسمى الحريات وحقوق الانسان وحرية الرأي والغرب يقعد يطنطن واحنا مجريناش وراهم أبدا واللي بنقوله سنوات أنكم تتأكدوا أن العالم تحت سيطرة الإعلام".

وأكمل: "مفيش لا تليفزيون ولا موقع؛ منعوا كل مواقع التواصل مفيش حاجة اسمها روسيا وكأنها مش موجودة على الخريطة وفي المقابل في روسيا مفيش حاجة اسمها أوكرانيا ولا الغرب".

وأوضح: "من يومين تلاته بشوف إحدى القنوات الغربية بيقولوا لا مفيش حاجة اسمها اعلامي محايد لازم ننحاز مع أوكرانيا وبتتكلموا سنوات طويلة أن عندكم حرية في الإعلام النهاردة مفيش صوت أخر".

واختتم: "هيخلص موضوع أوكرانيا وروسيا وفي يوم من الأيام هتتوقف الحرب؛ عايزك تركز كويس أوي من أول 24 فبراير أفتح قنوات الغرب كلها متلاقيش حد بيتكلم بشكل إيجابي عن روسيا وبنفس الشكل في روسيا؛ محدش يقدر يقول من هو المنتصر حتى هذه اللحظة ومحدش عارف؛ هل مجلس الأمن مجلس محايد؟ لا مجلس أكاذيب".