عمرو أديب يرد على مرتضى منصور: "اوزن الكلام"
أكد الإعلامي عمرو أديب؛ أنه يفضل بقاء النجم
المصري محمد صلاح لاعب ليفربول الإنجليزي في فريقه الحالي لافتا أنه لا يفضل
انتقاله إلى باريس سان جيرمان الفرنسي.
وقال أديب خلال برنامج "الحكاية"
المذاع على قناة "أم بي سي مصر": "هزعل أوي لو صلاح راح باريس
وبقوله يا صلاح متروحش أنت مقامك أحسن من باريس وأنا نفسي يكمل في ليفربول ولو
لابد أنه يقعد في الدوري الإنجليزي يروح مانشستر سيتي".
وأضاف: "كل ما أقول لحد صلاح يروح
مانشستر سيتي يقولي لا هيضايقوه؛ طيب هيضايقوه في أية؟ هيرحبوا بيه جدا ولو مو
ناوي يمشي ويسيب ليفربول يقعد في الدوري الإنجليزي".
وتابع: "مو عايز لما مرتبه يزيد يبقي
2.5 مليون دولار مرتضي منصور الأسبوع اللي فات قال إن عمرو أديب بياخد في الشهر 3
مليون دولار يعني كدة ليا الفخر أني باخد في الشهر أكتر من اللي عايزه صلاح".
وأوضح: "الغريب أن ناس كتير قعدت تقول
أزاي وبتاع؛ أنا مستعد أقبض 3 مليون دولار في شهرين وأقعد في البيت ولو شفتوني
تاني خلاص".
واختتم: "محمد صلاح لما مرتبه يزيد
هياخد 2.5 دولار ويجي صلاح يقولهم وايه يعني اخد اقل من عمرو أديب وانا بقوله يا
مرتضي انت مالك وأوزن الكلام قبل ما تقوله وانت بقيت بتقول أي حاجة".
