تامر أمين يعلق على ملابس "ويجز" المثيرة للجدل
علق الإعلامي تامر أمين؛ على الملابس التي
ظهر بها مغني الراب ويجز خلال إحدى حفلاته والتي أٌقيمت في المملكة العربية
السعودية والتي أثارت الجدل بعد أن اعتبرها البعض غير لائقة.
وقال أمين خلال برنامج "أخر
النهار" المذاع على قناة "النهار": "كان في حفلة من يومين
تلاتة في المملكة العربية السعودية وكان مغني أو مؤدي أسمه ويجز وأنا مكنتش بتابعه
قبل كدة ولما سألت مين ويجز قالوا دا بيغني راب بالعربي".
وأضاف: "قلت إنه حاجة حلوة أن المملكة
العربية السعودية في إطار المهرجان هناك أنهم يحتفوا بالمطربين المصريين لحد ما
شفت الصورة دي وسألت مين دة فقالولي دة ويجز وقلتلهم هاتولي صورته وهو في الحفلة
بيغني فقالولي هي دي".
وتابع: "قلتلهم هي دي؟ الحقيقة في كلام
كتير يتقال بس مش هقوله عشان نبقي محترمين ومهذبين ونبقي بننصح مش بنشوه؛ أنا مليش
علاقة بما يغنيه هو حر وعرفت أن الحفلة كانت مليانة ويبقي حاجة عظيمة وتشرف وتفرح
أي حد مصري ناجح سواء محليا أو عربيا أكيد أنا فرحانله".
وأوضح: "أنا مستغرب أن الناس بقالها
يومين بتكلم أن اللبس تمنه كام؛ وأن الجاكيت والشورت تمنه كذا هو دا اللي أنتوا
توقفتوا عنده في مظهر السيد ويجز؟ أن اللبس يسوى كام والا اللبس شكله أية وعشان
أختصر أنا قصتي حاجة صغيرة وأنا اتعلمت أن مظهري متعلق بتقديري واحترامي للي أنا
بقدمه ونمرة اتنين الناس اللي أنا رايحلهم".
واختتم: "أنا لما أبقى قاعد في بيتنا
وأروح زيارة لناس أنا بقدرها بقف قدام الدولاب عشان أشوف حاجة مناسبة لأن مظهري
مرتبط بتقدير اللي أنا بقدمه وتقديري للناس اللي أنا رايحلهم".
