عمرو أديب: اللي عايز يعمل ربع جنيه زيادة في أي حاجة خاين

أكد الإعلامي عمرو أديب؛ أن تدخل الدولة في ظل أزمة ارتفاع الأسعار الحالية عبر التفاهم مع المنتجين والمستوردين أمر يجب أن يحدث.

وقال أديب خلال برنامج "الحكاية" المذاع على قناة "أم بي سي مصر": "تستطيع الدولة دائما أن تتحدث مع الناس المسؤولة عن السلع في البلد حوارا جادا وكلمة جادا دي الطرفين عارفين معناه أية؛ اللي هو لو سمحت أنا عارف ظروفك بس مش هسمع أنك تضرني مش كحكومة ولكن كدولة يعني الحكومة والشعب".

وأضاف: "أي حد النهاردة عايز يعمل ربع جنيه زيادة في أي حاجة خاين؛ في الحرب بيبقي خاين؛ مش شاطر ولا لاعيب ولا استغل فرصة لا دا يمص دم الناس".

وتابع: "احنا مش عايزين نوصل للمرحلة دي؛ ناس كتير لقيتهم كاتبين المقاطعة للسلع؛ أقاطع أيه؟ كل يوم عايز الرغيف مع شوية الطعمية والفور وحتة الجبنة أنتوا بتتكلموا عن أية؟ أقاطع اية".

واختتم: "أنا بتكلم عن سواد الناس فلو سمحتم بس أرجوكم ودا اللي أنا عايزه من الدولة بس؛ أصل أنا لقيتهم كاتبين إيه أسعار استرشادية؛ النهاردة تيجي تقولي كيلو الفلفل الرومي هيبقي بكذا؟ الراجل اللي ماسك الفلفل الرومي هو اللي بيحدد سعره".