عمرو أديب: الأيام الجاية هيكون الضغط على الجنيه والدولار ممكن يزيد
أكد الإعلامي عمرو أديب؛ أن الحروب تزيد من
الضغط على عملات الدول لافتا أن الحرب الروسية الأوكرانية أثرت على قيمة العملات
في كل دول العالم.
وقال أديب خلال برنامج "الحكاية"
المذاع على قناة "أم بي سي مصر": "معادلة بسيطة جدا سهلة عايزكم بس
تاخدوا بالكم منها؛ السحب الكتير على السلع يؤدي إلى ارتفاع أسعارها؛ أنت لما
بتسحب لازم نجيب تاني مكان الموجود على الرف؛ أستورد وعشان تستورد لازم عملة
والعملة هتجيبها منين؟ من البنك المركزي".
وأضاف: "البنك المركزي هيبقي عنده ضغط
على الدولار أمام الجنيه فاية اللي يحصل؟ الدولار يزيد قدام الجنيه وفي الحروب
تزيد الضغوط على العملة؛ هناك ضغوط على الإسترليني واليورو ووارد جدا يبقي في ضغط
على العملة".
وتابع: "ناس تقولك أه بقي هيبقي في ضغط
وارد جدا؛ أنا عندي احتياطي وعندي أزمة بتديرها؛ أنت مواردك أيه؟ مواردك أغلبها
سيادي يعني حاجات أنت قناة سويس سياحة عندك موارد معروفة ومن حظك الجميل أن أهم
عنصرين في السياحة عندك بيحاربوا بعض ودي كانت بتدخل دولار".
وواصل: "صادرات في مشكلة دلوقت بسبب
النقل؛ الضغط هيبقي على العملة بتاعتك الأيام الجاية دي هل دة عيب؟ في ناس ينظرون
لهذا الأمر على أنه عيبا؛ زي متقول الراجل دا تعب؛ نعالجه مش تسأله ازاي تعبت".
وأكمل: "احنا يا جماعة معملناش الحرب دي
أحنا لا ناقة ولا جمل فيها لا احنا كنا مدايقين من أوكرانيا ولا في مشكلة مع
الناتو؛ العالم كله بيدفع والأيام الجاية دي ضغط على الدولار".
واختتم: "المركزي عنده أولوليات عشان
يطلع العملة ولما خد القرار بتاعه وقالك تعالي بقي عشان ندبر العملة مع بعض عشان
نشوف هنجيب إيه من برة وقتها أحنا توجسنا؛ عايز تستورد دوا أو أغذية أو مكونات
صناعة عندك مصنع أحطلك الفلوس تستورد أما لو عايز تستورد حاجات ممكن تستني هتقولي
أصل دول فاتحين بيوت وانتوا عارفين في مصر أي حاجة فاتحة بيوت لازم تبقي عشرة
مليون أي حد عنده صناعة بيقولك أصلها مشغلة 10 مليون".
