أحمد موسى: "الحكومة مش هتسيب المواطن والأسواق تحت رقابة شديدة"

أكد الإعلامي أحمد موسى؛ أن الدولة لن تترك المواطن فريسة للغلاء وارتفاع الأسعار لافتا أن هناك تدخلات من كافة أجهزة الدولة لضبط الأسعار.

وقال موسى خلال برنامج "على مسؤوليتي" المذاع على قناة "صدى البلد": "هل الحكومة هتسيب المواطن فريسة لغلاء الاٍسعار؟ ما هي الإجراءات التي بدأت الحكومة تاخدها؟ هناك تحركات كبيرة في مجال الغذاء والكل عارف أن في شكوى من الأسعار ولكن لن يترك المواطن أبدا أن حد يتاجر فيه".

وأضاف: "بطبعية الحال السؤال المهم والملف المهم الناس عايزة تعرف هصرف قد ايه من الفلوس اللي معايا من مرتبي من دخلي من عيشتى في اليوم في ظل ارتفاع الأسعار".

وتابع: "الحكومة مش هتسيب الناس؛ طيب أية ممكن يتعمل أو إيه اللي بيتم تجهيزه الأن؛ بيتم تجهيز أنه ميبقاش كل واحد يعمل سعر على مزاجه والخطة التالية أنت حضرتك خلاص لا تستطيع أن تقوم بفرض سعر جبري للناس لأننا بنتكلم عن سوق حر ولكن بطريقة بسيطة الجميع يبقي راضي عنها وميبقاش في فرض سعر جبري على حد".

وواصل: "النيابة العامة تحركت على الفور وبيكون في قضايا طوارئ وأمن دولة لأي حد بيحتكر والنيابة العامة حبست 12 واحد من اللي بيخزنوا سلع والنيابة خدت قرار حبس ويحالوا للقضاء".

وأكمل: "جميع الأجهزة الرقابية وجهاز حماية المستهلك ومباحث التموين؛ الأسواق الأن تحت رقابة شديدة واللي يلاقي أسعار عالية يكلم الرقابة والتموين وكل جهات البلد وكله في الأخر بيصب عند بعضه".

واختتم: "الأن بتوفر كميات كبيرة جدا في الأسواق من السلع يوم الثلاثاء المقبل أهلا رمضان هتشتغل والمنافذ هتشتغل وكل جهات الدولة هتنزل من يوم التلات ان شاء الله في كل حته".