حسين أبو الحجاج: "ورشة الكوتش مصدر رزقي.. ومخدناش فلوس من الفن"
أكد الفنان حسين أبو الحجاج؛ أن عمله في مجال
الفن لم يحقق له الربح المادي لافتا أنه قد قام بتربية أبنائه من العمل في ورشة
صيانة إطارات السيارات التي يمتلكها.
وقال أبو الحجاج في مقابلة مع برنامج
"يحدث في مصر" المذاع على قناة "أم بي سي مصر": "في
البداية كان عندي عربية أجرة بين المحافظات وبعد كدة اشتريت عربية نقل وبعد ما شفت
حادثة قدامي قررت أن مش هشتغل سواق تاني".
وأضاف: "رحت فتحت ورشة واشتغلت وانا
معرفش حاجة وبعد شهر قررت أن أقفل لأني مكنتش عارف اشتغل ربنا رزقني بولد عنده 10
سنوات قالي أنا عايز اشتغل ولقيته لهلوبة وهو اللي علمني وخلاني مقفلتش واتعلمت
وبقيت اشتغل معاه لحد ما بدأت التمثيل سنة 1999 وبعديها وكانت دي البداية".
وتابع: "لما اتعرفت الشغل موجود واما
يكون عندي تصوير وبخلص بروح عالورشة الفن مخدناش منه فلوس اللي يخليني اعتمد عليه
وأقفل الورشة وهي مصدر رزقي وعلمت ولادي في مدارس خاصة".
واختتم: "أنا كنت اعتزل العمل في الفن
وبعدين لقيت الفنان أحمد مكي والمخرج أحمد الجندي عايزيني معاهم في عمل أنا رفضت
لأن عندي مشكلة في رجلي ومبقدرش أقف كتير لكن تراجعت لما لقيتهم متمسكين بيا
ووفرولي كل حاجة".
