أحمد موسى يكشف حوافز الحكومة للمزارعين من أجل توريد القمح
كشف الإعلامي أحمد موسى؛ عن أهم الحوافز
الحكومية من أجل حث المزارعين على توريد محصول القمح إلى الحكومة خلال موسم الحصاد
في أبريل المقبل.
وقال موسى خلال برنامج "على مسؤوليتي" المذاع على قناة "صدى
البلد": "المزارعين أهلي وحبايبي؛ بلدكو محتاجة كل أردب قمح؛ مبقولكش كل
اللي بتحصده اديه للحكومة لأن احنا في بيوتنا بنخبز لحد النهاردة؛ أتولدنا على دة
وفضلنا على دة".
وأضاف: "القمح أدي الحكومة 60-70% منه
وخلي الباقي عندك؛ بلاش تحجز 50% السنادي غير ودا رجاء ومناشدة ليكم؛ وأديكم
شايفين اللي حاصل؛ حجم الإنتاج بتاعنا من القمح السنادي 10 مليون طن وعادتنا بتحجز
جزء في بيتك؛ بقول السنادي بدل ما تخزين كتير في البيت لا أدى الحكومة الكمية
الأكبر".
وتابع: "اديهم 60% ولو 70 ياسلام بوسة
ولو 75 بوستين وخلي 25% من انتاجك في البيت واخبز منه؛ دا رقم واحد البلد محتاجة
دة معنديش أزمة؛ والحكومة عاملة دعم كبير للناس اللي هتديها".
وأكمل: "محدش هيجبرك على توريد القمح؛
لو وردت القمح لبلدك هتديلك الأسمدة المدعومة يبقى أنا النهاردة حافز مهم بالإضافة
لأني رفعت السعر 100 جنيه عن السنة اللي فاتت".
واختتم: "أول ما تورد هتاخد فلوسك ورا؛
فلوسك جاهزة وعندك أسمدة هتاخدها مدعومة ومش هتقارن بين اللي بيورد القمح للدولة بالإضافة
إلى 100 جنيه زيادة السنادي بالإضافة لموسم الحصاد".
