عمرو أديب: خطوة وحيدة من الدولة قادرة على ضبط الأسعار
أكد الإعلامي عمرو أديب؛ أن هناك خطوة وحيدة
يمكن أن تتخذها الدولة من أجل خفض الأسعار التي ارتفعت بشكل كبير خلال الفترة
الماضية.
وقال أديب خلال برنامج "الحكاية"
المذاع على قناة "أم بي سي مصر": "الغلاء اللي ماشي دلوقت مش بتاع
الحرب؛ غلاء الحرب لسة جاي".
وأضاف: "قبل ما أقول للدولة خفضي وأعملي
تسهيلات؛ هل علبة اللبن اللي زادت النهاردة بعد ما الحرب تخلص هتنزل تاني؟ كيلو
المكرونة السايبة زادت 3 جنيه هل هتنزل تاني؟".
وتابع: "العيش السياحي زاد ربع جنيه لو
مش هينزل تاني أقول ليه للدولة قللي أو اعملي واحنا عارفين في مصر أن اللي بيطلع
مش بينزل".
وأكمل: "لو في حاجة واحدة بس الدولة
تعملها بس تحل المشكلة اضرب الاحتكار لو في اتنين تلاتة ماسكين السلعة في السوق تضربه
الدولة ودا دورها بالقانون أنك متسمحش لحد يتحكم في سعر".
واختتم: "كان في خناقة كدة كنت طرف
فيها؛ لما أسعار الفراخ زادت جامد والدولة قالت هجيب فراخ من البرازيل؛ وطلعت
الناس وقعدت تقول في 20 مليون بيشتغلوا في الصناعة دي وفجاة أسعار الفراخ
نزلت".
