أحمد موسى: ليه الرز يغلى وأنا عندي اكتفاء ذاتي؟
طالب الإعلامي أحمد موسى؛ منظمات المجتمع
المدني والأحزاب السياسية بإطلاق مبادرات لمكافحة غلاء الأسعار ومساندة المواطن
البسيط في ظل الارتفاع الجنوني في أسعار السلع الغذائية.
وقال موسى خلال برنامج "على
مسؤوليتي" المذاع على قناة "صدى البلد": "عندنا النهاردة 5
ألاف جمعية اللي بيروحوا للناس يودولهم أكل ولحوم وهذه الجمعيات مع الأحزاب
السياسية الموجودة يقدروا يعملوا مبادرات عاجلة ودة وقت مبادرات كلنا بندعم
بلدنا".
وأضاف: "أي حد يقدر يساعد بلده في هذه
الأزمة العالمية لا الحكومة مسؤولة عنها ولا الشعب مسؤول عنها دي أزمة العالم كله
بيدفع تمنها؛ مش لازم استني رمضان خلال الفترة دي الناس بدأت تعاني وتشتكي بجد".
وتابع: "أحد زملائنا جاي من سوق الوراق
وجايبلي أسعار من السوق بخط أيده؛ البتنجان الأبيض 30 ورق العنب 40 الفلفل 30
والفاصوليا 35 التنجان 20 والخيار 12 والبطاطس 7 والفراخ البيضاء 40".
وأوضح: "أنا هنا بتكلم عن المواطن
البسيط والطبقة البسيطة جدا ودا السوق بتاعهم دا لا المهندسين ولا الشيخ زايد؛
وتلاقي مواقع أخرى نشرت أسعار أخرى واية السبب هنا؟ أيه يزود الفرخ؟ والرز يزيد
ليه وأنا عندي اكتفاء ذاتي".
واختتم: "بدعو كل الجمعيات والأحزاب
وتحيا مصر يتحركوا عشان يعملوا مبادرات؛ منافذ أمان وزارة الداخلية والخدمة
الوطنية في القوات المسلحة كل دة نقدر نطلق هذه المبادرات ونروح للمواطن اللي
بيشتكي".
