غادة عادل توضح تطورات حالتها الصحية: "روحي رجعتلي من تاني"
كشفت الفنانة غادة عادل؛ تطورات حالتها
الصحية بعد أن تعرضت لوعكة صحيحة تعالج على إثرها في إحدى المستشفيات البريطانية.
وقالت عادل في مداخلة هاتفية لبرنامج
"الحكاية" المذاع على قناة "أم بي سي مصر": "أنا رجعتلي
روحي من تاني أنا في العادة مبحبيش تكون أخبارنا الخاصة على السوشيال ميديا لكن
كنت مش حاسة بالدنيا والعدوي في الدم كانت بتعلى وولادي جالهم إحساس أن الناس اللي
بتحبني لو عرفت ودعولي ربنا يستجيب".
وأضافت: "دعاء الناس اللي خففني تاني
يوم على طول العدوي نزلت وطلبت منهم أرجع عشان مخنوقة وقلتلهم مش قادرة اخد مضاد
حيوي في الوريد".
وتابعت: "بداية المشكلة أنه جالي حرقان
وانسداد في المثانة ومع المجهود العدوي طلعت على الكلي وأنا مخدتش بالي وسافرت ويوم
ما وصلت بحط رجلي على الأرض معرفتش أمشي".
واختتمت: "العدوى كانت وصلت للدم والحمد
لله لحقناها وفي نفس اليوم لما الحرارة عليت رحت على المستشفى على طول وبعد كدة
الأمور اتحسنت وفاضل تحليل واحد هعمله بكره".
