محمد صلاح: "نمت وراء بوابة المقاولون في عز التلج"
أكد محمد صلاح؛ نجم نادي ليفربول الإنجليزي؛
أنه يقوم بمنح كرة القدم كل شيء في الوقت الحالي حتى لا يشعر بالندم بعد أن يعتزل
اللعبة.
وقال صلاح في مقابلة مع برنامج "صاحبة
السعادة" المذاع على قناة "دي أم سي": "بعد ما أخلص كورة أكيد
هعمل حاجة مفيدة بردو؛ أنا بدي كل حاجة في الكورة عشان لما أسيبها أبقي عملت كل
حاجة ومقولش ياريتني عملت".
وأضاف: "المقاولون من أحسن الأندية اللي
بتطلع الناشئين في مصر؛ وأنا نمت وراء بوابة النادي كنت أنا ولاعب في المقاولين
قالي أنا خالي في العاشر من رمضان وهنبات عنده لمدة أسبوع وكلمت والدي وادالي 60
جنيه وبعدين لما رحنا لخاله لاقيناه مش هناك".
وتابع: "جينا باليل مش عارفين نعمل إيه
وقالي في واحد صاحبي هنروح نبات عنده ورحنا لقينا أنه بيبات في المقابر قلتله لا
مش هقدر وبعدين قالي هنفكر في حاجة".
وواصل: "قالي أنا عارف واحد في النادي
ورحنا وفرشنا في الأرض وحطيت الجزمة تحت دماغي ونمت ورا البوابة وصحينا ستة الصبح
قبل ما أي حد يجي من الإدارة ورحنا فطرنا ورجعنا النادي على الساعة 9 الصبح".
واختتم: "في اليوم اللي بعده مفيش حاجة
اتحلت وبعدين نمنا في ملعب 2 في المقاولين لأن كانوا بيعملوا حاجة في البوابة؛
فرشنا بطاطين على الأرض ونمنا في الملعب والجو كان تلج أنا كانت أهم حاجة عندي أني
أروح التمرين".
