محمد صلاح يتحدث عن علاقته بابنته
أكد النجم المصري محمد صلاح؛ لاعب ليفربول الإنجليزي
أنه يقوم بطبخ بعض الوجبات الخفيفة أحيانا في المنزل لافتا أنه اعتاد الطبخ خلال
تواجده في سويسرا.
وقال صلاح في مقابلة مع برنامج "صاحبة
السعادة" المذاع على قناة "دي أم سي": "أنا بطبخ فطار أحيانا
بعمل شوفان وبيض ولما كنت عايش في سويسرا كنت بطبخ الغدا".
وأضاف: "دلوقت ماجي زوجتي بتساعدني بشكل
كبير وباكل الفول والطعمية لما بنزل مصر؛ بس أنا مش كييف أوي باكله في مصر لما
بروح المنتخب".
وتابع: "أنا مش بختار أسامي؛ وماجي
اختارت أسم مكة وكيان؛ وهي كانت اختارت مكة من يوم ما أتعرفنا على بعض وقلتلها على
ما نتجوز ونخلف هتكون الناس كلها سمت الأسم دة".
وأكمل: "هي قالتلي في أسم كيان محدش
سماه كتير قلتلها خلاص أنا مصدقك طالما مكة مشيت كويس؛ العلاقة كويسة بين مكة
وكيان لكن مكة بتغير منها شوية".
واختتم ساخرا: "مكة بتقولي أنا باخي أخد
منك اللي أنا عايزاه عشان بقولك كلمتين حلوين؛ ومكة شايفة أنها على الحجر 7 سنين
ولما تيجي كيان لا بقي مش هتخدي كل حاجة مني".
