صلاح يكشف عن أهم أهدافه وسر نجاحه في أوروبا
أكد محمد صلاح؛
نجم ليفربول الإنجليزي؛ أن إحداث تغيير يمنح الأمل للمصريين كان أحد أهدافه في
الحياة منذ خرج من نادي المقاولون العرب إلى الدوري السويسري.
وقال صلاح في
مقابلة مع برنامج "صاحبة السعادة" المذاع على قناة "دي أم
سي": "أنا في العادي مش بتابع الناس شايفة إيه ومبكونش عاطفي في
المقابلات بالشكل دة".
وأضاف: "مفيش
كلام يوصف احساسي بالفرحة أن الناس واصلها أن عندهم أمل؛ وشايفين حد من عندهم قدر
يعمل حاجة مختلفة بتدي أمل للأطفال الصغيرة أو الناس اللي عندها إعاقة".
وتابع: "كان
هدف من أهدافي أني أغير حاجة معينة وأعمل هالة معينة في مصر تبقى الناس شايفة حد
وصل لحاجة كويسة وأن كلنا ممكن نوصل ودا كان هدفي من أول ما رحت سويسرا".
وأوضح:
"الموضوع كان صعب عليا ومكنتش بتكلم انجليزي والموضوع كان صعب عليا؛ كنت قاعد
مع نفسي بفكر وبقول هو أنا عايز أرجع مصر بعد شهر شهرين وأبقى زي الناس اللي سافر
ورجع والا عايز أعمل حاجة مختلفة".
وواصل: "قلت
لو هعمل حاجة مختلفة يبقي لازم أعمل حاجة عن أي حد فشوف المصريين اللي خرجوا من
مصر وكملوا وعملوا مستوى كويس بس موصلوش للحاجة اللي عايز أوصلها عملوا
أيه؟".
وأكمل: "بدأت
أشوف فيديوهاتهم والمقابلات بتاعتهم وبدأت أعمل زي التنمية البشرية هو موهبتك
كفاية تؤهلك للي أنت عايزه والا محتاج تشتغل على عقلك وتطور من نفسك وكان هدف من
أهدافي أني أغير حاجة موجودة بالنسبة للناس".
واختتم: "لو
رجعت بالزمن 10 سنين وسألت حد من مصر هل ممكن واحد ينافس على أحسن لاعب في العالم
هيقولك لا لكن دلوقت هيقلك ممكن لأنهم شايفين واحد من عندهم ودا كان الهدف الرئيسي
بالنسبالي في الحياة يعني دلوقت لو أنا مت خلاص فـانا حققت أهم اهدافي".
