السيسي: لو عليا أخلي دخل المواطن 30 ألف جنيه

قال الرئيس عبد الفتاح السيسي، إن الدولة تريد منح الأطباء رواتب مجزية، لكنها لا تستطيع ذلك في القوت الحالي.

وتابع السيسي، خلال إطلاق استراتيجية تنمية الأسرة المصرية: الأطباء اللي بيسيبونا عشان المرتبات مش كويسة.. هو أنا مش عايز أديله مرتب كويس ولا مش قادر؟، لأ الدولة اللي مش قادرة. 

وأكمل: المدرس اللي بتتكلموا عليه، هو أنا مش عايز أديله مرتب كويس ولا مش قادر.. لأ مش قادر. 

وأضاف: في عشرات الألوف اتخرجوا ونيجي نقول هنعمل الاختبار بميكنة ونظم، عشان أخلي الطالب متميز وعايز يشتغل.. يقوم الطالب يقولك انتوا هتعلمونا بالآي باد!. 

وأكمل الرئيس: لو فضل كدة هنفضل في دايرة مستوى متدني من العمل.

وأردف: لو خرجت آلاف الطلبة هو أنا هلاقي لهم شغل.. هو سوق العمل في كدة.. هي الأهالي عايز تعلم ولادها ولا تغسل أيديها. 

وأضاف الرئيس: المرتبات في مصر منخفضة.. لو عليا عايز أدي المواطن 30 ألف جنيه، بس إزاي؟.

يشار إلى أن الخطة التنفيذية للمشروع القومي لتنظيم الأسرة، مشروع رفع كفاءة مستشفيات التكامل على مستوى الجمهورية، وأيضا إنشاء مجموعة كبيرة من وحدات صحة وتنمية الأسرة، إذ تم تخصيص 450 مليون جنيه لتجهيز وحدات من هذا النوع، في الخطة الاستثمارية للعام المالي 2021/2022.

ويستهدف المشروع القومي لتنمية الأسرة المصرية، إدراج 2 مليار جنيه لصالح مشروع تنمية الأسرة المصرية، في خطة التنمية المستدامة، وتنفيذ مليون مشروع متناهي الصغر من خلال وزارة التضامن الاجتماعي، وجهاز تنمية المشروعات للمرأة، وأيضا تدريب 2 مليون سيدة على إدارة المشروعات، ومحو الأمية الرقمية والشمول المالي، وتأهيلهن لسوق العمل طبقًا للفرص الاستثمارية بكل محافظة، وتجهيز 200 مشغل خياطة للسيدات بوحدات صحة وتنمية الأسرة.