أبرز تصريحات الرئيس السيسي اليوم (فيديو)

يبحث العديد من المواطنين عن أبرز تصريحات الرئيس عبدالفتاح السيسي اليوم الإثنين، وذلك خلال تدشين المشروع القومي لتنمية الأسرة المصرية من العاصمة الإدارية الجديدة.

ومن جانبه، قال الرئيس عبد الفتاح السيسي رئيس الجمهورية، إن الدولة المصرية تهتم بملف حقوق الإنسان، مؤكدًا أنه يأتي على على رأس أولوياته.

وأكد الرئيس السيسي، أنه يسعي للحفاظ على الدولة من الإنزلاق للخراب والدمار، موضحًا أن حقوق الإنسان هي حق الإنسان في التعليم الجيد والمسكن الجيد.

وأضاف السيسي، أن الزيادة السكانية تعيق قدرة الدولة على التنمية، مضيفًا "يا كل المسؤولين معايا، يا اللي في الجامعة، والإعلام، والصحة، والتعليم والجامع والكنيسة، انزلوا بصوا البلد عاملة إزاي وبصوا بعين حقيقية، أنا عشان أفتح شارع بشيل بالألف عمارة عشان أخلي الناس تمشي في حتت مابيتمشيش فيها".

وتساءل الرئيس عبدالفتاح السيسي عن قيام الأسر المصرية بتوجيه النصح للفتيات قبل الزواج بتأخير خطوة الإنجاب، قائلًا: "هل في حد من الأسر قال لبنته استني سنة أو سنتين متجبيش اطفال، استني انتي كنتي في وعاء وحاضنة اسرة وبعدين هتكوني في حضانة زوجية، حد قال لبنته خدي نفسك عيشي يومين تتعودي على الحياة الجديدة؟".

وتابع: "أنا مش بتكلم في تنظيم اسرة، أنا بتكلم أن البنت تخرج من بيت اسرتها أي كان مستواها وتدخل لبيت تاني تخلف على طول، وبعدين شهرين تلاتة وبعدين يحدث طلاق، وتاخد الطفل وتمشي، علشان كده بسأل هل حد بيقول للبنات خدي سنتين تلاتة اتعودي على البيت ومطالبه، حد من الأسر بيعمل كده".

وأكمل: "علشان كده عملنا الصحة الإنجابية، علشان الطفل اللي جاي ياخد حقه، اننا قبل ما اقدم على خطوة الانجاب انك تطمن أن ظروفك الصحية والوراثية مع اهل بيتي هتطلع طفل سليم، وده كله بالعلم اللي ربنا سمح لينا بيه".

وأردف أن الدولة تحتاج إلى مضاعفة أعداد المستشفيات لتحسين الخدمات المقدمة للمواطن في كافة أنحاء الجمهورية، مؤكدًا بأنه يعمل على ذلك من خلال توفير الأمن للمواطن، وتحسين مستوى المعيشة لديه.

ولفت السيسي، خلال حديثه، إلى عدد قوائم الانتظار الموجودة بالمستشفيات، قائلًا: تم علاج مليون و62 ألف مواطن خلال 3 سنوات، متابعا: كنا بنصرف 23 مليار في 2014، ودلوقت بنصرف 108 مليارات دولار، ونحاول الوصول إلى التشغيل المتطور؛ مما سيضاعف الرقم.

وفي سياق متواصل، أكد الرئيس "أنا مواطن زي كل المواطنين، وعشت عمري كله وشوفت ليه إحنا كده.. ليه المستشفى بالمستوى ده؟.. وكنت بفكر؛ عشان أفهم الهدف من اللي إحنا بنعمله ده النهادرة.. هل هو المشروع القومي لتنمية الأسرة؟ ولا المشروع القومي لتنمية الدولة المصرية؟.. هو الهدف فقط إن أنا أعمل حالة رضا لدى الأسرة، وبالتالي يبقى في حالة رضا لدى الدولة".