مصطفى بكري يطالب بالتحقيق في تسريبات بنك كريدي سويس
طالب الإعلامي مصطفى بكري؛ بالكشف عن تسريبات
بنك كريدي سويس السويسري حول حسابات عدد من المصريين والتي تقدم بالمليارات.
وقال بكري خلال برنامج "حقائق
وأسرار" المذاع على قناة "صدى البلد": "بنك كريدي سويس بيطلع
ويقولنا على أسماء عدد من الشخصيات فلوسها مركونة في البنك ومحدش بيسأل عليها؛ لما
يبقي في نفرين فلوسهم 3 مليار و 77 مليون ولما نسأل يقولك والله دي مشروعات كنا
بنعملها".
وأضاف: "الناس دي بدل ما تقعد كدة تلتزم
الصمت أو يدافعوا بكلام ميدخلش في عقل أي حد قولولنا الفلوس دي خرجت من البلد
ازاي؛ أليس من حق المصريين أن يعرفوا الفلوس دي طلعت ازاي والفلوس دي نتاج ايه".
وتابع: "الفين مصري ليهم حسابات في بنوك
في سويسرا في ناس شريفة اشتغلت في مشروعات وفي ناس مسيسة واحنا من حقنا كشعب مصري
نعرف الفلوس دي منين".
وأكمل: "أنا عارف أن انت أصلا مكانش
عندك شغل واحد ولا شركات واضحة أنا شعوري كمواطن مصري اية؟ مش أنا اللي كشفت اللي
كشف أحد البنوك الخارجية؛ أنا مبتهمش حد أنا بقول يا جماعة قولولنا بس أطلعوا
لتزموا بالشفافية وقولولنا الفلوس دي من كذا وكذا وكذا ولو مقالوش يا حكومة مصر دي
مهمتك يا قضاء مصر النزيه دي مهمتك".
واختتم: "النهاردة أما يبقي في ألفين
مصري ليهم مبالغ بالمليارات؛ مطلوب النهاردة الناس دي توضح كيف حدث هذا الكلام
وموقف الدولة المصرية إلا لو كانوا بيشتغلوا برة وليهم فلوسهم برة ومن حقنا بمنطق
النزاهة والشفافية والمال الحلال قولونا من أين حصلتهم على هذه الأموال وليه
ودتوها سويسرا مخليتوهاش في البنوك المصرية".
