عمرو أديب يعلق على أزمة إبراهيم عيسى: السوشيال ميديا أصبحت مرعبة للإعلام
علق الإعلامي عمرو أديب؛ على الهجوم الذي طالب
الإعلامي إبراهيم عيسى بعد تصريحاته بشأن الاسراء والمعراج والتي أثارت الجدل.
وقال أديب خلال برنامج "الحكاية"
المذاع على قناة "أم بي سي مصر": "أنا من المؤمنين والمعتقدين
بالمعراج؛ مبقولش الاسراء والمعراج ليه لأن الاسراء مفيهوش جدل وأنا من المقتنعين
وجداني وعقيدتي وتديني وأنا من النوع المتبع بشوف العلماء بيقولوا إيه وبتبعهم
وقلبي مقتنع بما حدث في المعراج والكلام واضح وزيي زي مئات الملايين من المسلمين".
وأضاف: "هات 40 مليون مسلم وأسالهم
هيقولوا نفس اللي بقوله وأنا مش جايب حاجة جديدة؛ اللي أنا مش فاهمه في الأونة
الأخيرة كل يوم مطالبات بالقبض وأو التحقيق أو التكفير أو التشهير بحد قال رأيه؛
يا جماعة أنا مبتكلمش عن الدين دلوقت في الرياضة أوقفوا فلان حققوا مع فلان".
وتابع: "الغريب في الأمر أن المنع بقي
بإيدينا دلوقتي بيقول أغلقوا فلان أوقفوا فلان مش بتكلم بس على إبراهيم حد بتاع
رياضة يا جماعة ما ترودا عليه وفي شيء مش فاهمة خالص هو يعني اية بتتفرج على كل
القنوات يعني برة مثلا الديموقراطين بيتفرجوا على قناة والجمهوريين على قناة
تانية".
وأوضح: "انتوا بتتفرجوا على كل البرامج؛
أنتوا معندكوش شغل؟ من الساعة 8 إلى الساعة 2 باليل في 20 برنامج بيقدمهم 30-35
مذيع ومذيعة في منهم أربعة خمسة مش بيعجبك بلاش".
واختتم: "هي السوشيال ميديا موجودة عشان
تخلي الإعلام حر والا مرعوب؛ كل يوم قبل ما أدخل في الوصايا العشرة اية الإرهاب بتاع
السوشيال ميديا دلوقت وعلى فكرة نص الناس مشافتش ونص الناس مسمعتش؛ يا جماعة عندك
مشكلة مع حد قال حاجة طيب متناقشه".
