مصطفي درويش: الأزهر رد علي إبراهيم عيسى ممكن منسمعش صوت معارض
كتب الفنان مصطفي درويش تعليق جديد علي أزمة إبراهيم عيسي قائلا:" الأزهر قال كلمته ونصر الحق، ممكن منسمعش صوت معارض لو سمحتم لأن احنا مرجعيتنا للأزهر وأنا ولا شيخ ولا حاجه أنا لسه بحاول أنتظم في الصلاة من قريب، وكان بعد مشكلة حصلتلي فبدأت أقرب من ربنا واعتذاري عن الفيلم جيلي في أصعب ظروف محدش عارف عنها حاجة محتاج ماديات فعلا ومحتاج شغل لاني لسه في أول الطريق فأكيد اعتذاري عنه كان علي عيني بس ديني أهم".
وأضاف :" وأنا لا غلطت في الأستاذ إبراهيم ولا غلطت في حد، أنا بس أخدت قرار أدافع عن الصلاة اللي بصليها والإسلام اللي هو ديني ودين امتي ولو كان الأستاذ غلط في أي ديانة مسيحية، أو غيرها كان هيبقي نفس موقفي، أنا مسلم مؤمن بكل الرسل والديانات السماوية، ومقبلش حد يشكك في الكتب السماوية واسكت نقفل الموضوع ده علشان أخد أكبر من حجمه".
وكان قد رد مركز الأزهر العالمي للفتوى الإلكترونية على الجدل الذي أثاره الإعلامي إبراهيم عيسى بعد تشكيكه في المعراج بالنبي صلى الله عليه وسلم.
وقال «الفتوى الإلكترونية» خلال بيان رسمي على موقع فيس بوك، السبت: «معجزة الإسراء والمعراج من مُعجزات سيدنا رسول الله صلى الله عليه وسلم المُتواترة، الثَّابتة بنصِّ القرآن الكريم في سُورتي «الإسراء» و«النَّجم»، وبأحاديث السُّنة النَّبوية المُطهّرة في الصّحيحين والسُّنن والمسانيد ودواوين ومصنَّفات السُّنة، والتي انعقد على ثبوت أدلّتها ووقوع أحداثها إجماعُ المُسلمين في كلِّ العُصور، بما لا يَدع مجالًا لتشكيك طاعِن، أو تحريف مُرجِف».
