إبراهيم عيسى يفسر تصريحاته بشأن مايوه سيدات الصعيد: "مين كانوا ماليين رأس البر"
أكد الإعلامي إبراهيم عيسى؛ أن التيار السلفي
يطارد السيدات المصريات باعتبارهن عورة وعار ويرغب في وضعهن في خيمة من النقاب
والخمار.
وقال عيسى خلال برنامج "حديث
القاهرة" المذاع على قناة "القاهرة والناس": "مين اللي بيقول
إن المرأة فتنة مين اللي بيقول أن المرأة عورة مين غير التيار السلفي اللي نافخ
الأخلاقيات المتوهمة واللي مكبر الكبت الجنسي عن قطاع واسع من المصريين إلى مطاردة
للمرأة".
وأضاف: "مين اللي حول المايوه إلى عار
يجب التبرؤ منه؛ انتوا زعلايين لما بنقول إن جداتنا وسيداتنا من صعيد مصر من
الطبقة المتوسطة اللي كانت بتصيف مش الفقراء أو المتحفظين اللي بيعتبروا أن عيب
يلبس الراجل المايوه".
وتابع: "مين اللي كانت بيملي مصايف مصر
في بلطيم وراس البر والإسكندرية وجمصة بتوع بحري بس؟ مهم الصعيد وبحري ومين قال إن
ارتداء المايوه في الوقت دة كان عيبا وعارا".
وأكمل: "مين عايز يحول الأمر كله وبهجة
المصريين في المصيف وتحويل البحر للذكور؛ هو الحقل المتزمت المتدين زورا فقط؛ حلوة
حكاية أن البحر للذكور وفي الوقت اللي العالم كله كان بيلبس مايوه طيب ماتلبس
مايوه دلوقت؛ ويقولك ازاي الرجل بيرضي؛ بقولكم إن أباءكم كانوا بيرضوا وأجدادكم
بيرضوا".
واختتم: "السلفي حاطط سياق واحد فقط
التجريم والتحريم ويجعلك أنت كذكر وكأنك أنت ملك الغابة بقي وبتدافع عن الحيوانات
في الغابة وطول الوقت بيتعامل مع المرأة بانتقاص وتبضيع".
