حمو بيكا يطالب بلقاء هاني شاكر.. وحلمي عبد الباقي: "إحنا مش عايزين نأذيك"

أكد مطرب المهرجانات؛ حمو بيكا؛ أنه لم يقم بأي إساءة تجاه الفنان حلمي عبد الباقي لافتا أنه لم يتهم مجلس النقابة بالكامل بالفساد كما تردد.

وقال بيكا في مداخلة هاتفية مع برنامج "كلام الناس" المذاع على قناة "أم بي سي مصر": "أستاذ حلمي عبد الباقي على دماغي ومليش معاه أي مشكلة ولا أي دور ولا أي حوار ولا أي كلام متوجه ليه أنا كلامي المرة الجاية هقول على الأسامي".

وأضاف: "أنا لما حددت مقلتش على المجلس كله أنا قلت في ناس في المجلس عملت معايا حاجات؛ أنا بقول أنا ليا مشكلة مع ناس في أعضاء المجلس ومقلتش المجلس كله".

وتابع: "أنا مقلتش على المجلس كله والرد بتاعي قريب مش بعيد وأنا ماشي في مرحلة وهما هيعرفوا مين عمل معايا كدة لكن ألاقي تليفونات أنزل احمي نفسك وأعمل قضايا أنا مش هخاف دا مش تهديد".

من جهته أكد الفنان حلمي عبد الباقي أنه لا يستهدف الإضرار بحمو بيكا من خلال البلاغ الذي تقدم به بشأن تصريحاته حول وجود فساد في مجلس نقابة المهم الموسيقية.

وواصل عبد الباقي: "أنا مفيش بيني وبين حمو أي حاجة ولا أقد أني أقوم بأزيته هو حد جميل وحد طيب؛ هو قال هيقول بعد كدة أحنا عايزين نقول مع الاثباتات واحنا معاك وفي ضهرك وكل كلمة هتقولها فيها إثبات النقابة هتكون في ضهره".

وأوضح: "أنا مش مستني حد يبرأني أنا قدمت بلاغ عشان يتحقق معايا وعشان أوصل للحقيقة أنا مش محتاج حد يقول إن مش حلمي اللي كذا؛ أنا مليش ناقة ولا جمل إلا اظهار الحقيقة أنا مقصدش أقوم بأذية لحمو".

وعقب بيكا على تصريحات الفنان حلمي عبد الباقي مشددا على أنه يحترمه ويقدره لافتا أنه لم يذكر اسمه على الإطلاق في اتهامات الفساد التي تحدث عنها.

واختتم بيكا: "أنا حواري مع ناس معينة جوة النقابة؛ ومليش أي حوار مع الأستاذ حلمي عبد الباقي أنا لما أروح النقابة أنا عاوز أقعد مع الأستاذ هاني شاكر".