"ده عشم".. عمر كمال يوضح حقيقة الإساءة إلى هاني شاكر
أكد مطرب المهرجانات عمر كمال؛ أنه أقام حفل
في الولايات المتحدة وحدثت مشكلة وقامت الحكومة هناك بحل المشكلة لافتا أنه خرج
للدفاع عن نفسه في بث مباشر على وسائل التواصل الاجتماعي ضد من يروجون إنه يتسبب
في مشكلات خلال حفلاته.
وقال كمال في مداخلة هاتفية لبرنامج "على
مسؤوليتي" المذاع على قناة "صدى البلد": "وأنا بتكلم في البث؛
كنت بتكلم وبتنزفز؛ واحد بيقولي هاني شاكر هيجحزلك تذكرة رجوع وأنا قلت لا محدش
يحجزلي أنا معايا تذكرة رجوع".
وأضاف: "واحد تاني بيقول دانت هاني شاكر
هيمرجحك؛ وأنا رديت وقولت هاني شاكر يمرجح اللي زيك أنا راجل بغني ومعايا فرقة
وماشي مظبوط".
وتابع: "أنا بعت للفنان هاني شاكر
اعتذار؛ يمكن عشان زعل أني مقلتش أستاذ؛ وحتى لو غلطت وقلت هاني شاكر من غير أستاذ
أيه شأن النقابة انها توقفني".
وأوضح: "الناس بتحب الرئيس السيسي
وبتقول بحبك يا سيسي من غير رئيس ولا حاجة ودا حب؛ ومحدش رد عليا والنهاردة الأستاذ
طارق مرتضي بيقول أنا أهنت رموز فنية".
وأكمل: "الرأي العام والنقابة ألزمتني
أني أشتغل بفرقة وأنا بشتغل بفرقة 34 فرد وعندي حفلة في أسيوط اتلغت؛ وأنا مش عايز
ادخل في موضوع أكل العيش".
وواصل: "النقابة موافقة أني أروح أمريكا
وأما كنت بتفق على الحفلة دي كان في أعضاء من النقابة وأنا عامل 11 حفلة أنا عمري
ما كنت فعل ولا بعمل مشكلة أنا على طول رد فعل".
واختتم: "بقول للأستاذ هاني أنا مأسأتش
لحضرتك خالص وبعتلك الفيديوهات وهل انت زعلان مني عشان مقلتش أستاذ؟ دا عشم وكان
دة عشان كنت غضبان".
