«اللى رمانى فى السجن حسابه عسير».. نص رسالة ريهام سعيد للمتسببين فى اعتزالها
أثارت الاعلامية ريهام سعيد الجدل خلال الساعات الماضية بسبب منشور لها على الفيس بوك قالت منن خلاله :«حسبي الله و نعم و الوكيل في كل مفتري و في كل افاق ساهم انه يقضي علي مجهود سنين طويله . حسبي الله ونعم الوكيل في الي اتسبب ان البرنامج يتوقف كذا مره و اطفال تموت. حسبي الله ونعم الوكيل في كل واحد ساهم انه يصدر فكره غلط عني و عن شخصيتي ».
تفاصيل رسالة ريهام سعيد للمتسببين فى اعتزالها
وأستكملت :«حسبي الله و نعم الوكيل في كل واحد جاب سيرتي عشان يشدني لمشكله و اطلع في الاخر بتاعت مشاكل لما يكون ليه رد فعل . . حسبي الله و نعم الوكيل في كل واحد وقفت جنبه و اتخلي عني في وقت شده و عارفاهم بالاسم و مش هانسي . حسبي الله و نعم الوكيل في كل واحد مايعرفنيش و قال كلمه وحشه عني ».
وأضافت :« حسبي الله ونعم الوكيل في كل صحفي كتب خبر في عز ازمتي عشان يقضي علي شغلي و اسمي انا ٢٢ سنه مقراتش كلمه كويسه مع اني حققت نجاح غير مسبوق . حسبي اله و نعم الًوكيل في كل واحد كتب بوست شتيمه عن جهل لما سمع و ماشافش المهم ان كل دول فاهمين انهم انتصروا غلطانين انا صحيح اعتزلت لكن انتوا كل يوم يتعرفوني اد ايه انا ناجحه و مهمه و شاطره . عرفتوني قيمه الحياه الحقيقيه و هي العيله و الاولاد وطاعه الله لكن اوعوا تستهونوا بحسبي الله و نعم الوكيل و الله الحق راجع ».
يهمك أيضًا | تفاصيل محاكمة ريهام سعيد بسبب حسن شاكوش
واختتمت :«اما بقي الي رماني في السجن ظلم ده
حسابه عند ربنا عسير انا سبت ابني عنده شهر
من غير رضاعه من غير ما اعمل اي حاجه . انا عملت كتير بس مكنتش مستنيه شكرا بس مكنتش
مستنيه برضوا افتري و اذي كده .كتبت الكلام ده لاني تعبت من الافتري الي في كل حته
و المصلحنجيه افص ملح و داب و الناس الي كسبت
من ورايا ملايين ورموني في الاخر و خربوا بيتي و سرقوا صفحتي الي عليها ١٥ مليون »
