أحمد فلوكس يهاجم إلهام شاهين: "الشيطان بيستغفر ربنا من اللي إحنا بنعمله"

هاجم الفنان أحمد فلوكس، تصريحات الفنانة إلهام شاهين، عن القبلات في الأفلام، التي انتقدت خلالها من يرى أنها شيء منافي للأخلاق، قائلة: «المجتمع كان زمان مختلف ويتقبل القبلات في الأفلام، والمجتمع أصبح غريبًا على حد تعبيرها».

وقال فلوكس فى منشور له للفنانة إلهام شاهين قال فلوكس:«بعيدًا عن معزتك ممكن أستأذنك ماتتكلميش تاني في الكلام ده، البوسة بتعتبر حاليا منافية للآداب، أومال إمتى يا فندم نعتبر الشئ منافي للآداب، لما نلاقي العيل نازل وبشهاداته كمان هنا يبقي سفالة.. الشاشة دي بتربي أجيال وبتشكل وجدان، مش بتربي وحوش وبتعمل أوضاع».

وأضاف فلوكس :« على كده إحنا نعتبر الأفلام السكس أفلام تثقيفية تعليمية إرشادية الغرض منها التعليم والتمرين، سامحيني أنا بحبك بس مابقتش قادر أستحمل، يا جماعة الشيطان نفسه مش مصدق اللي إحنا كبشر بنعمله وبيستغفر ربنا، الأفلام بقت مرجعية والنوافل بقت مهرجانات والزكاة بقت نقطة والحج بقي تشكيل.. آسف جدا. ومش عاوز أسمع كلمة حرية الفن».