أحمد موسى: الغرب يستضيف الإرهابيين ويحولهم إلى نجوم
أكد الإعلامي أحمد موسى أن الدول الغربية
تتخذ كافة الإجراءات ضد أي محاولات للإخلال بأمنها ولكن إذا حدث اخلال وفوضى
وإرهاب في مصر يقفون مع الإرهابيين.
وقال موسى خلال برنامج "على
مسؤوليتي" المذاع على قناة "صدى البلد": "سمعتوا خطاب من أي
دولة بشكل واضح وعلني أدان أو طرد أو سلم عناصر إخوان إرهابية؛ لو حد عنده معلومة
يقولهالي لو حد من الاخوان اللي على أراضيهم سلموها يقولولي".
وأضاف: "في التسعينيات كانوا بيسلمونا
عناصر القاعدة والجهاد؛ أمريكا سملتنا في التسعينات كنا بنديهم المعلومات ويروحوا
الدولة اللي فيها العناصر دي يجبهوهم ويسلموهم لمصر".
وتابع: "النهاردة الموضوع بالزبط زي
التسعينات؛ اللي كان بيعلم الإرهاب لحد 2010 هي الجماعات دي ودلوقت الجماعات دي
ومعاهم الإخوان؛ أنت حطيت حركات حزم ولواء الثورة على قائمة الإرهاب لكن عناصرهم
بتتحرك برة عادى".
وأكمل: "كان يبقي جاي من أفغانستان في
2001 وراح أذربيجان واليمن وبعدين لندن؛ وهو ياسر توفيق على السري قيادي في تنظيم
الجهاد الإرهابي فتحوا معاه تحقيق قالهم أنا مضطهد في مصر وهو عامل عمليات إرهابية
في مصر قالوله أهلا بيك وأدوله شقة وفلوس"
وأوضح: "عندك هاني السباعي اللي كان مع
الظواهري؛ حرض على مصر والقوات المسلحة المصرية قدام الشرطة البريطانية وعنده مركز
هناك اسمه المقريزي؛ وفي أبو حمزة المصري ابنه عمل عمليات إرهابية في اليمن وقلنالهم
أدولنا أبو حمزة قالوا لا ومصر أسقطت عنه الجنسية".
واختتم: "ياسر السري عاملينه شيخ وموجود
في لندن وفاتحين له مكتب وبيقدموه في الإعلام على أنه نجم؛ وعمر عبد الرحمن أنت
الي أخدته أمريكا من السودان ويطلع يعمل تحريض في السي أن أن وقالولنا بعد كدة خده
استلموه مصر قالتلهم لا مش عايزينه".
