عمرو أديب عن مشاجرات انتخابات الزمالك: "الناس بتتهرس في الأرض"
علق الإعلامي عمرو أديب على الأحداث التي
شهدتها انتخابات مجلس إدارة نادي الزمالك والاشتباكات بالأيدي بين أنصار المرشحين.
وقال أديب خلال برنامج "الحكاية"
المذاع على قناة "أم بي سي مصر": "انتخابات الزمالك حاجة مسيئة
وشيء مسيء جدا لصورة نادي الزمالك ولما أتكلم عن أعضاء نادي الزمالك فهم المفروض
صفوة ناس عندها قدر من التعليم".
وأضاف: "مش هقعد أقول مين اللي غلطان
دول بتوع أحمد سليمان ودور بتوع مرتضى؛ ستات وكبار في السن وناس بتتهرس في الأرض؛
على ايه هو في ايه؟ هل المنافسة حامية الوطيس كدة؛ النهاردة كان في خناقة على صلاة
الجمعة
وتابع: "أنا مش عايز أقول الكلمة اللي
تدبحك ؛ احنا شوفنا انتخابات تانية زي الفل باشا؛ بنتخانق على ايه هو في اية ممكن
نتخانق عليه إلا لو حصل حاجة تانية
وواصل: "لو دا يرضي حد أنا موافق؛ عايز
تقولي إن دي منافسه في انتخابات رياضية أنا موافق؛ انتوا بتتخانقوا على ايه أنا
عايز أعرف أية الحلاوة والبسبوسة في الموضوع
وأوضح: "دا بطل أفريقيا؛ في انتخابات
رئيس النادي بيمشي بمكرفون طول الوقت هي الخناقة على اية أنت تدخل تحط صوتك وتمشي
ليه محسسني أن المنافسة حامية أنما ستات تنضرب أطفال تتبهدل؛ دا لا يمكن يبقي
أعضاء نادي الزمالك هل دة مستوى الناس؛ دا نادي فيه جامعين ياجماعة".
واختتم: "دا شكل الانتخابات هيكسب اللي
هيكسب أنما المنظر والله ما هو مشرف أنا مش عايز أقول لمصر لأن مصر متشيلش الكلام
دة؛ في النهاية الكسبان هياخد أية دا نادي مش لاقي ياكل مبنجريش على تشيلسي والا
أرسنال؛ دا مش عارفين لسة نجدد للاعبية".
