نشأت الديهي: "اللي يربط فوز المنتخب بزيادة أسعار البنزين تافه"
علق الإعلامي نشأت الديهي؛ على ادعاءات البعض
على وسائل التواصل الاجتماعي باستغلال انشغال الشعب المصري بمتابعة المنتخب الوطني
في بطولة الأمم الأفريقية وقيام الحكومة بزيادة أسعار الطاقة
وقال الديهي خلال برنامج "بالورقة
والقلم" المذاع على قناة "تن: "الناس قاعدة تتريق وتكلم وتهزر
وتقولك أحنا فوزنا في الماتش فزودنا البنزين ربع جنيه؛ أخطر شيء على الوطن هو غياب
الفهم الراجل اللي عمال يهزر ويقولك استغلوا الناس فرحانة ساعة الماتش وزودوا
الأسعار ربع جنيه".
وأضاف: "اللي بيقول كدة دا واحد تافه دا
واحد مش فاهم لأن في لجنة لدراسة أسعار المحروقات كل 3 شهور؛ لما نزلنا ربع جنيه
قعدوا يتريقوا بس هي الحسبة كدة؛ سعر البترول في الموازنة 64 دولار وحاليا سعر
البترول 92 دولار".
وتابع: "لما زاد سعر البترول الطبيعي
خلال 90 يوم بيعمل معادلة رياضية وطلعوا المتوسط وقالوا هنزوده ربع جنيه؛ الدولة
المصرية ما عادت تدار بهذا الشكل أن أغيب الناس وأخد قرار".
وأوضح: "الرئيس دائما ما يتحدث بشكل
واضح على دور الإعلام وإعلام الناس بالحقائق والرئيس بيجيب الوزراء ويستجوهم ويطلع
ملاحظات على الهواء".
واختتم: "احنا في عصر نقول الحقائق حتى
وإن كانت مزعجة ولا يمكن أننا نريح الناس وننافق والفلسفة في الدولة دلوقت كل 3
شهور زيادة في الأسعار وانت ارتبطت بالأسعار العالمية كدة".
