أبو جبل: جاساما قالنا هتخسروا وكان متحفز ضدنا من البداية
أكد محمد أبو جبل؛ حارس المنتخب الوطني؛ أن
الحكم الجامبي بكاري جاساما؛ كان متحفزا ضد الفريق خلال مواجهة الكاميرون بداية من
فحص اللاعبين في غرفة الملابس وحتى ركلات الترجيح.
وقال أبو جبل في مقابلة مع برنامج
"الحكاية" المذاع على قناة "أم بي سي مصر": "الحكم من
البداية وهو جاء يفحص اللاعبية في غرفة الملابس كان متحفز ضدنا وقالنا انتوا هتخسروا
هتخسروا".
وأضاف: "الحكم قال لكابتن وائل جمعة
وللمدرب كيروش أي حركة هتتعمل هطردكم؛ وفعلا طرد المدرب وقال لوائل جمعة لو قمت من
على الدكة هطردك".
وتابع: "كان بيكلمنا بأسلوب تحس أنه مش
فاهم ومش عايز حد يتكلم معاه؛ أنا كنت بكلمه بيقولي متكلمش معايا؛ وكان بيعامل
معانا بأسلوب استفزازي".
واختتم: "حتى وهو بيفحص اللاعبين كان
غريب؛ ويقلب في التشيرتات والبطاقات الخاصة باللاعبين؛ بيبص في بطاقة صلاح ويتأكد
أنه هو؛ يعني أنت مش عارف صلاح مثلا؟ وحتى في النهاية بعد ركلات الترجيح مكانش
عايز ينهي المباراة وقالي أنا لازم أراجع حكام الفيديو".
