عمرو أديب عن فوز المنتخب: "لا إيتو نفع ولا الحكم"
علق الإعلامي عمرو أديب؛ على تأهل المنتخب
الوطني إلى نهائي بطولة الأمم الأفريقية بعد الفوز على الكاميرون بركلات الترجيح.
وقال أديب خلال برنامج "الحكاية"
المذاع على قناة "ام بي سي مصر": "الجيل الحالي هو الجيل الذهبي
للكرة المصرية لاعيبة رجالة وتشيل المسؤولية لا ايتو نفع ولا الجمهور نفع ولا
الحكم الظالم المفتري نفع ربك كان مع مصر لأن مصر بتعلب بالمجهود".
وأضاف: "الحكم كان كارهنا عما وكان كاره
المدرب وكل مدربي مصر أنا أول مرة في حياتي أشوف صلاح بيتخانق مع حكم وعمره ما
اتخانق مع حد من الكاميرون خناقته كلها معانا احنا".
وتابع: "بنلعب برة أرضنا مع تحكيم ظالم
وملعب فاسد وبتضرب علاولة لما كنت تشتبك مع لاعب فيهم أنت اللي تتعور ومع ذلك شفت
الأبطال وشفت أبو جبل كان سلسلة جبال والراجل كان موفق توفيق غير عادي أمه دعياله
ربنا معاك ربنا ضد الظلم".
وواصل: "كنا أحسن منهم الـ 120 دقيقة
ولما جات ركلات الترجيح كل الشباب الرجالة أعصابها من حديد وقدرت تقف على رجليها
وتجيب أجوال وتلعب أنا بالنسبالي مصر كسبت وفي العالي فعلا منتخب عظيم أنا عايز
اسأل ضميركم كلكم حد كان متوقع الأداء دة
وأكمل: "انت جه وقت عليك في الشوط الأول
كنت مقفل الملعب كله وعندك لاعيب نزل عشر دقائق وطلع لا شوح ولا قال مش عايز أنت
بتكلم على فرفة فيها 21 محترف وانت عندك ستة بس".
واختتم: "الراجل كيروش دة اتعامل مع
المباراة بالحتة ولغاية لما وصل بمصر والمصريين إلى النهائي الناس دي عملت اتجاز
عبقري الناس دي لازم نكرمهم".
