''أنا حرة".. أول تعليق من النائبة أميرة العادلي على صورتها المثيرة للجدل فى مباراة الكاميرون
علقت النائبة أميرة العادلي، عضو مجلس النواب عن تنسيقية شباب الأحزاب والسياسيين، على الصورة التي تم تداولها لها وهي تدخن السجائر خلال مباراة منتخب مصر أمام الكاميرون.
وكتبت "العادلي" عبر صفحتها الشخصية على موقع التواصل الاجتماعي "فيسبوك": "طيب عشان نخلص من القصة والرسايل الكتير.. أيوة دي صورتي.. ومش مضايقة ولا مهتمة بالموضوع.. أنا بشرب سجاير ومن سنين بطلت أعدها ومش مخبيه ده اصلا.. ومش هبطل السجاير واكون انسان جديد عشان انا بحب أدخن ..عادة صحية سيئة بس بحبها .. زي اللي بيحب الأكل الدسم كده بيتخن وغلط علي الصحة بس بيحبه".
وتابعت: "ببساطة مواطن مصري زملكاوي بيشجع كورة من الطفوله وبيحضر ماتشات فريقه ومنتخب بلده ديما في الدرجة التالته مش المقصورة ولا الدرجة الأولي.. بيفرح ويعيط ويتعصب ويزعق ويطنط ويهتف ويغني و بيأكل ويشرب ويدخن سجابر عادي جدا.. ومعلوماتي إن علب السجاير مكتوب عليها لا تباع لأقل من 18سنة.. بغض النظر عن نوعه أو شغلنته أو ديانته.. والتدخين ضار جدا بالصحة ومانصحش حد يدخن ..غير كده. انا بدخن و بحب أدخن ..وانا حرة في عالم حر".
وأضافت: "فانفكنا بقي من الكلام الاهبل ده.. ونشجع منتخبنا يوم الأحد، وإن شاء الله الأبطال يرجعوا بالتامنه ويفرحوا مصر كلها".
