برلمانية بالسجائر في ملاعب كرة القدم بالكاميرون: أنا حرة وبحب أدخن

علقت أميرة العادلي، عضو مجلس النواب، وعضو تنسيقية شباب الأحزاب والسياسيين، على صورتها المتداول عبر صفحات موقع التواصل الاجتماعي فيس بوك، والتي ظهرت فيها وهي تدخن السجائر  داخل مدرجات ستاد أولميبي في العاصمة الكاميرونية ياوندي،  أثناء مؤازرة المنتخب الوطني المصري ضد نظيره الكاميروني

وقالت العادلي خلال منشور عبر فيس بوك: أيوة دي صورتي، ومش مضايقة ولا مهتمة بالموضوع.. أنا بشرب سجائر ومن سنين، ومش مخبية ده أصلًا، ومش هبطل السجائر وأكون إنسان جديد، عشان أنا بحب أدخن، عادة صحية سيئة بس بحبها، زي اللي بيحب الأكل الدسم كده بيتخن وغلط علي الصحة بس بيحبه.

وأكملت: ببساطة مواطن مصري زملكاوي بيشجع كورة من الطفوله وبيحضر ماتشات فريقه ومنتخب بلده ديما في الدرجة التالتة، مش المقصورة ولا الدرجة الأولي، بيفرح ويعيط ويتعصب ويزعق ويطنطط ويهتف ويغني وبياكل ويشرب ويدخن سجاير عادي جدًا.. وعلب السجاير مكتوب عليها لا تباع لأقل من 18 سنة..بغض النظر عن ديانته أو شغله.


واختتمت: أنا بدخن وبحب أدن وأنا حرة في عالم حر.. فانفكنا بقى من الكلام الأهبل ده ونشجع منتخبنا يوم الأحد وإن شاء الله الأبطال يرجوعوا بالتامنة ويفرحوا مصر كلها.