الجمعة 29 مارس 2024 الموافق 19 رمضان 1445
رئيس التحرير
شيماء جلال
عاجل
أخبار

"صور مفبركة و5 آلاف جنيه".. شقيقة فتاة الشرقية المنتحرة تكشف تفاصيل ابتزازها

الرئيس نيوز

قال نرمين الشقيقة الكبرى لهايدي فتاة الشرقية التي انتحرت بعد نشر صور مفبركة لها على وسائل التواصل الاجتماعي، إن مرتكبي الواقعة طلبوا الحصول على أموال مقابل إزالة الصفحة المنشور عليها هذه الصور.

وأوضحت نرمين في مداخلة هاتفية لبرنامج "الحكاية" المذاع على قناة "أم بي سي مصر": "الموضوع كان بسيط مكانش يستحق يوصل لكدة؛ اختي الصغيرة 9 سنين وحفيدة الجارة كانوا بيلعبوا وحصل مشاكل كلام بسيط ميستاهلش كل دة وتلقيح وشتيمة، وبعد فترة ظهرت الصور لأختي اللي ماتت، الخلاف كله أنهم اتخانقوا في الشارع".

وأضافت: "علاقتنا كانت كويسة في الأول، وجيراننا ركبوا الصور دي عشان خلافات بسيطة وقالوا الصور هتتمسح لو نفذنا طلباتهم، ولقيت واحد جارنا في الأردن كلمني قال في صفحة معمولة وعليها صور لأختك".

وتابعت: "كانوا طالبين من الفين لخمس آلاف جنيه لو كنا دفعنا مكنوش هيشيلوا حاجة وقالوا ننزل نصالح مامتها ونعملها كل اللي عايزا وعملنا اللي اللي هما عايزينه".

واختتمت: "اللي فبركوا الصور 5 أفراد، أنا كنت مسجلة كل حاجة وبناء عليه تم القبض عليهم، قبضوا على اتنين بس الست وبنتها الصغيرة وولاد خالتها لسة هربانين".