"البداية من عيد الفطر".. والد فتاة الشرقية يكشف تفاصيل ابتزازها وانتحارها
كشف والد هايدي فتاة الشرقية التي انتحرت باستخدام حبة الغلال
بعد نشر صور مفبركة لها في وسائل التواصل الاجتماعي تفاصيل وفاة ابنته.
وقال والد الفتاة خلال برنامج "أخر النهار" المذاع على قناة
"النهار": "الموضوع بدأ في العيد الصغير؛ بنتي كانت خرجت واتفسحت
وأتصورت مع أصحابها وفي حد خد الصور وعملها بالفوتوشوب وابتزوا البنت".
وأضاف: "اللي عملوا كدة جيرانا؛ واحنا كنا معاهم زي السمن على
العسل؛ وبعدين حصل خلاف وجات جارتنا وقالت ابقوا تفوا على وشي لو خليت عريس يدخل
لبناتك الموضوع كان غيرة من سلوك بناتي".
وتابع: "هايدي من كتر الابتزاز وشافت صور مترضيش ربنا وخافت
مننا؛ قامت واخدة حباية الغلة وانتحرت وكان في تسجيل بصوت البنت قابلتها في الشارع
قالتلها أنا لو منك أشرب سم وأموت؛ بني يوم ما أتوفت كانت طالعة من الامتحان
اليوم".
واختتم: "هايدي بقت تعيط بين نفسها وأنا كنت مسافر برة وخافت أما
أنزل أجازة أشوف الصور دي فخافت مني ومن أخوالها واتقدمت ببلاغ للنيابة وجبت بنتي
من مستشفى الجامعة في الزقازيق ودفناها".
