انتحار فتاة الشرقية.. الباز يطالب بتشديد عقوبة الابتزاز الإلكتروني
طالب الإعلامي محمد الباز بتشديد العقوبات على مرتكبي جرائم الابتزاز
الالكتروني وذلك بعد انتحار فتاة من محافظة الشرقية عقب فبركة صور مخلة لها ونشرها
على مواقع التواصل.
وقال الباز خلال برنامج "أخر النهار" المذاع على قناة
"النهار": "الضحية الجديدة اللي هي بردو تعرضت لابتزاز الكتروني
وفي شباب نشروا لها صور مفبركة وخدت حباية سامة وماتت بنت اسمها هايدي في محافظة
الشرقية".
وأضاف: "احنا هنقعد يا جماعة كل يوم نودع بنت من بناتنا راحت
ضحية لناس معندهاش ضمير عملوا صور مفبركة لها وحطوها على السوشيال ميديا".
وتابع: "هو ايه؟ أنا قلت المسألة لازم يعاد النظر في التشريعات
ويبقي في قبضة قوية عشان يبقى في ردع؛ لان أحنا قلنا إن المجتمع اللي اتفزع واللي
قال والناس اللي قعدت تكتب على بسنت الله يرحمها نلاقي نفسنا قدام ضحية أخرى بلا
ذنب وهي هايدي من الشرقية".
واختتم: "لما أسرتها اتكلمت قالت إن جيرانها هما اللي عملوا فيها
كدة؛ الله يكون في عون أهلها ولكن أحنا قدام كارثة اجتماعية مفروض نتصدى ليها بكل
قوة في الأعلام بنقول ولازم نشرح؛ هو جرا ايه؟ المسألة المردي صعبة جدا".
