أحمد موسى يهاجم حكم مباراة مصر والمغرب: "فاشل وجاي علينا"

هنأ الإعلامي أحمد موسى لاعبي منتخب مصر بالفوز على منتخب المغرب، قائلا: "مبروك يا رجالة شكرا يارجالة اللي عملتوه لبلدكم؛ شكرا غلبنا الحكم الفاشل المنحاز اللي ملوش علاقة بكرة القدم؛ أحنا مصر عندنا صلاح وعندنا الرجالة". 

أضاف خلال برنامجه على قناة صدى البلد: "رايحين النهائي ونرجع النجمة الثامنة؛ الماتش النهاردة أحلي ماتش في البطولة؛ هو في منتخب كدة؛ الحراس اتعوروا واللاعبيية أتعورت بس في رجالة شرفتونا يارجالة والله بلدي العظيم تحيا بلدي". 

تابع:"حب مصر وبحب الـ100 مليون والمنتخب بحبك يا مصر يابلادي يا عظيم نستحق الانتصار أه مصر العظيمة مبروك أحنا أسياد أفريقيا شاء من شاء وأبي من أبي". 

واصل:" قالك مصر هنخرجهم؛ مصر بتخرج أي حد قدامها؛ شكرا كيروش مدرب قدير وشكرا للجهاز الفني بالكامل وشكرا لجمهورنا تحيا مصر؛ كان هيجرالنا حاجة ولكن الحمد لله والشكر لله الرجالة عملوا كل اللي عليهم منتخبنا رجع وإن شاء الله بإذن الله تعالي نكون فرحانين بالنجمة التامنة". 

وهاجم حكم المباراة، قائلا:" حكم فاشل حكم منحاز؛ دا يحكم مصارعة يحكم حاجة أخرى؛ الحكم دة لم يحكم أي كورة لصالح مصر كل حاجة يحسبها علينا وكان ناقص يديهم ضربة جزاء تانية كل اللاعيبة بتتخانق عشان الحكم الفاشل دة".