عمرو أديب عن الهجوم على حسن الرداد: هو قال هعيش في حته وحشة

علق الإعلامي عمرو اديب، على حالة الجدل التي أثيرت على مواقع التواصل الاجتماعي بعد حفل جوي اوردز والذي أقيم في المملكة العربية السعودية.
وقال أديب خلال برنامج "الحكاية" المذاع على قناة "ام بي سي مصر": موضع خالص منتهي العلاقات المصرية السعودية لا يستطيع أحد أن ينال منها فاي حد يتخيل ان الكلام اللي هقوله ده دفاعا عن العلاقات المصرية السعودية هيبقي واهم".

وأضاف: "اعلم جيدا ان في ناس كتير بتحب تحاول انها تهز الجبل ده، جبل العلاقات المصرية السعودية ومحدش يقدر يهد جبل والمجال اللي هتكلم فيه له علاقة بالمحاولة اللي بتتعمل من يومين".

وتابع: "يوم الخميس اللي فات كان في جوايز جوي اوردز الناس السوية العاقلة بصت للموضوع انه شئ جميل انما ازاي ملقوش في الحفلة عيب قالوا تعالوا نطلع اي عيب اي حفل جوايز بيكون عليه ملاحظات والكلام ده بيحصل ابتداء من الاوسكار ولحد جوايز زا بست".

وواصل: "اللي حصل حالة من الاصطياد والتنمر بعيد عن الحفل ولاننا الان في السعودية الجديدة بقي رجل الدولة في السعودية يرد والله كان في ملاحظات يرد والنهارده تركي ال شيخ لسه كاتب رد على كل اللي حصل".

وأوضح: "احنا والله كمصريين اتعملنا البدع هناك حرارة في المقابلة والحفاوة وفي 3 مليون مصري في السعودية واما تكلمه يقولك انا مبسوط وقاعد".
واكمل: "سيبنا كل الحفلة وابتدينا نصتاد الناس ونتنمر على الناس ، اللي راح موسم الرياض الناس دي عاملة كده لية لانه عارف ان الفن المصري موجود في وجدان العالم العربي".

واكمل: "اسال في كان واحد بيتكرم في الحفلة ، انا شفت الفنين والمطربين وصعب تسال المملكة او تسال الرياض المصريين فين او ايه الجوايز او اية الموضوع".

وعن الهجوم على الفنان حسن الرداد قال اديب: "اجي لصديقي حسن الرداد الراجل بيقول احب اعيش في السعودية هي حته وحشة مثلا ، رياض محمد بن سلمان اية المشكلة هو بيتعامل معاك كانك جزء منه ، انا احب اعيش في رياض محمد بن سلمان زي ما بحب اعيش في قاهرة عبد الفتاح السيسي والله لو معندكش فرصة هنا في فرصة في بلدك السعودية".