فيديو| حرق صور رموز الإخوان أمام السفارة المصرية بلندن

علق الإعلامي أحمد موسى؛ على قيام مجموعة من المصريين بإحراق صور أعضاء جماعة الاخوان الإرهابية في أحد ميادين العاصمة البريطانية لندن.

وقال موسى خلال برنامج "على مسؤوليتي" المذاع على قناة "صدى البلد": "ولاد مصر الرجال والجدعان حاجة تشرف؛ طلع النهاردة مجموعة من ولادنا في لندن جمعوا نفسهم قالوا احنا عارفين أن الاخوان في بريطانيا بتوع المخابرات الإنجليزية طيب ماحنا نولع في صورهم قدام المخابرات الإنجليزية".

وأضاف: "بنحتفل 70 سنة على عيد الشرطة وبنقول للمخابرات الإنجليزية أحنا بنولع في صور الاخوان؛ المصريين الجدعان ولعوا في صور الإخوان قدام المخابرات الإنجليزية والكلام دة من ساعتين".

وتابع: "المصريين الجدعان أنا بحييكم وبشكركم بجد اللي عملتوه النهادرة بنقول للانجليز احنا بنولع في صور الاخوان قدام عنيكم وبنحط صوركم تحت احذية المصريين".

وأوضح: "المخابرات الإنجليزية بتتفرج وبتصور أيوة وهما واقفين عشان يبقوا عارفين الاخوان بالنسبة للشعب المصري اية وبيقول للانجليز احنا عارفين أنك بتأويهم وتديهم الملاذ الأمن واللي تركيا بترفضه انت بتستضيفه وبتديهم مكان عشان يشتغلوا ضد الدولة المصرية".

وأكمل: "الدنيا كلها عارفة أن دول رجال المخابرات الإنجليزية؛ بيلفوا والدول تحاصرهم وفي النهاية بيقولوا نروح لندن دول اللي ساعدونا ودول اللي مولونا ودول اللي احنا بنشتغل لهم".

واختتم: "الحضن الدافي لدى الانجليز تعالوا اتفضلوا افتح اشتغل يلا؛ الموضوع في اللي حصل الرسالة المعبرة أن يا انجليز بتستضيف وبتحول لندن إلى أفغانستان تاني؟ المكان والملاذ الأمن لإرهابيين هو بريطانيا وكل عناصر التنظيم الإخواني موجودين في لندن".