لميس الحديدي تتحدث عن إصابتها بكورونا: "دور قاسي جدا"

أكدت الإعلامية لميس الحديدي أن الحديث عن ضعف المتحور أوميكرون غير صحيح، موضحة أنه لا يعد دور برد عادي كما يردد كثيرين.

وقالت الحديدي خلال برنامج "كلمة أخيرة" المذاع على قناة "أون" بعد تعافيها من الإصابة بكورونا: "أعتذر عن صوتي وعن الغياب أسبوعين بسبب كورونا ولو سمعتوني بكح أثناء البرنامج اتحملوني أنا مش كويسة 100% دا دور معداش عليا سهل أبدا زي الناس كلها ما بتقول".

وأضاف: "الناس بتقول الأوميكرون دا دور سهل وخفيف دا دور برد خفيف لا خالص مش مع كل الناس نظرية أن الأوميكرون دة خفيف نظرية لا تنطبق على كل البني آدمين ومنظمة الصحة العالمية نفسها قالت دي نظرية مضللة".

وتابعت: "أنا تعرضت لدور قاسي جدا وسخيف وطويل وفي دروس مستفادة مهمة للناس كلها أرجوكم الحذر وعدم الاستهانة لأن الدور مش سهل وبسيط".

وواصلت: "نشهد ارتفاع كبير في الإصابات؛ كل بيت في مصر حاليا إما عنده إصابات أو ناس بتتعافى من الإصابات والأرقام اللي موجودة دي أرقام للناس اللي بتروح المستشفيات".

واختتمت: "عندي ملاحظتين؛ لسة في ناس لما بيجلها أعراض تقولك دة دور برد خفيف وتنزل عادي وتعدي الناس عادي وتساهم في انتشار الأعرض".