عمرو أديب يسخر من "بي بي سي" بعد قطع الهواء عن ضيف طالبهم بسداد مستحقاته
سخر الإعلامي عمرو أديب؛ من قناة "بي بي
سي" العربية؛ بعد قطع الهواء عن أحد الضيوف الذي طالب إدارة القناة بسداد
مستحقاته المتأخرة.
وقال أديب خلال برنامج "الحكاية"
المذاع على قناة "أم بي سي مصر": "قناة بي بي سي الغراء اللي بتكلم
عن حرية الرأي الراجل المحلل السياسي بيطلب مستحقاته على الهواء".
وأضاف: "الراجل مغلطش في بوريس جونسون؛
ولا أتكلم في حاجة دا بيقولها يا ست أنا بقالي سنتين شغال سخرة والست مدتوش 30
ثانية ومخلتوش يكمل كلامه".
وتابع: "أنتوا عارفين مستحقات الضيف في
بي بي سي كام؟ 45 جنيه إسترليني ومش عارفين يدفعوله المبلغ دة؛ فين حرية الرأي يا
بي بي سي؛ الراجل قال اسم اتنين شغالين في المحطة وبعدين مهندس الصوت قطع عليه
والمذيعة قالتله المشاهد مش مهتم بالكلام دة".
واختتم: "دول اللي عمالين يكلموا
ويقولوا هو حد يقدر يشتكي على الإعلام المصري؟ دول قطعوا عليه وأقطع يا محمد أقطع
يا إبراهيم".
وكان المحلل السياسي مهدي عفيفي قد شكي خلال
استضافته بإحدى الفقرات الإخبارية على قناة "بي بي سي" من عدم حصوله على
مستحقاته المالية على القناة لمدة سنين.
