عمرو أديب عن منتقدي المنتخب: "استنوا لما يتغلبوا وبعدين حفلوا"
علق الإعلامي عمرو أديب؛ على التعليقات
السلبية لبعض الجماهير المصرية على مواجهة الفريق الوطني أمام كوديفوار والمقرر
إقامتها في دور الـ 16 من بطولة الأمم الأفريقية.
وقال أديب خلال برنامج "الحكاية"
المذاع على قناة "أم بي سي مصر": "الأخ المعلق في مباراة الجزائر
مع كوديفوار كانوا خسرانين 3-1 وهو عاملهم فرح وبيقول أن البطولة هي اللي خسرت
بخروج الجزائر؛ أنا مليش دعوة بالمعلق الجزائري بلده وراجل وطني متحيز ليها لكن
احنا بنهاجم منتخبنا قبل ما يلعب".
وأضاف: "عمالين نقول قبل ما نعلب دا
احنا هنغلب؛ أحنا هنخسر أول ما ننزل؛ الماتش هيتلعب الساعة تسعة واستنوهم الساعة 4
الفجر في المطار".
وتابع: "استنوهم لما يتغلبوا وحفلوا عليهم
أنا معاكم؛ لكن بتحفلوا عليهم قبل ما يلعبوا؛ وتقولوا صلاح مبيلعبش صلاح خايف على
رجله".
وأكمل: "انتوا ليه بياعين؟ انتوا
بتبيعوا الناس وهما لسة متغلبوش؟ انتوا ايه اللي بتعملوه في اللاعبية دة أنت
اللاعب رقم 12-13-14 أنت الجمهور".
واختتم: "انا غيرت من الأخوة
الجزائريين؛ خرجوا من البطولة وقالوا معلش عندنا تصفيات كأس العالم وهتقف على رجليك
أنما احنا اللي اتأهلنا قعدين نتقول هنتغلب ستة".
