تامر أمين يرد على منتقدي أداء محمد صلاح مع المنتخب
رد الإعلامي تامر أمين على منتقدي أداء محمد صلاح نجم ليفربول الإنجليزي مع المنتخب الوطني، لافتا أن هناك أسباب لأداء اللاعب بهذا الشكل.
وقال أمين خلال برنامج "آخر النهار" المذاع على قناة "النهار": "في ناس كتير بتلوم على صلاح شايفين أن مستواه مختلف عن ليفربول وأنا أتفق معاهم بردو لأن مستوى اللاعبين مع صلاح في ليفربول حاجة ومستوى المنتخب الوطني والأجواء مختلفة".
وأضاف: "ممكن كمان يكون قلقان على رجله لأنه في فترة تجديد تعاقد؛ وفي ظل الاعتداءات اللي شفتاها أمبارح من المدافعين السودانيين طبيعي يكون خايف".
وتابع: "رجل أبو صلاح مش زي رجلي؛ رجلي أنا أنكل وخمس صوابع تتجبس بـ 500 جنيه في أم المصريين إنما رجل صلاح بملايين".
وأوضح: "السؤال دلوقت وبعدين يا كيروش؛ أنت هتقولي أن ليك أكل ولا بحلقه؟ طيب هتقولي أديني صعدتك طيب هتعمل أية في ماتش كوديفوار؟ بيلعوا كورة زي الكتاب ما بيقول".
وواصل: "في ميزتين أننا هنلاعب كوديفوار؛ الميزة الأولى الملعب وهو الأسوأ في البطولة لأن اللي مش عايز يلعب كورة يروح الملعب دة واحنا كورتنا على قدها ومش عايزين حد بيلعب كورة".
واختتم: "الميزة التانية ماتش كوديفوار والجزائر في مصلحتنا؛ هيكون مقطعهم الغرور لأنهم كسبوا الجزائر؛ ولو انت كسبت كوديفوار هتبقي قهرت اللي قهر الجزائر ولو خسرت يبقي طبيعي".
